جيف حالكم خوتي؟
توني قريت موضوع عن جفاف الرياييل لزوجاتهم
شو رايكم في هالنقطه
ليش الريال يوم يعرس مايقول كلام حلو لزوجته
ونحنه الحريم انقول لا هو طبيعة الريال جذي مب رومانسي
وشو رايكم يوم كان هالريال في سن المراهقه يكلم بنات واغلب الشباب الحين جي
يكلمون ويحبون ويقولون الكلام الحلو ل حبيباتهم
ويوم يعرسون يقولون نحنه مانعرف انقول كلام حلو ونحنه مب رومانسيين
يعني اللي بالحرام يصير حلو وتطلع كل الرومانسيه
واللي بالحلال تنكتم عندهم الرومانسيه
اللي ينرفزني هو
الرياييل اغلبهم مب رومانسيين
مع انه فترة الملجه تطلع كل الرومانسيه
ماعرف أنتو شو رايكم
*
بس انتي بشطارتج تسحبين الكلام الحلو ولا تخلينه جاف..
لأنه الريال بطبعه يستحي يكون رقيق جدام حرمته.. يحب يظهر لها القوة وهالسوالف..
فالحرمة بشطارتها تسحب منه الرمسة
يعني طرشي له مسج حلو وهو مب عدالج.. شوفيه بيرد عليج؟؟
وعقب وهو قاعد مع أهله وانتي موجودة طرشي له مسج.. شوفي تعابير ويهه..
انتي اكتشفي ريلج بنفسج
الله المستعان …
الله ايسر لج امووج
بصراحه ماعرف شو اقووولج
والله في كتير نساء فيهم جفاف وقساوة مو طبيعية ومايقولوا كلمة حلوة
وفي رجال قمة الرومانسية
وكله نصيب سبحان الله
مب كلهم نفس الشي ^^