من بـــوظبي,,
عندي دريوليه فلبينيه مسيحيه عمرها 40 (للعلم مب مسترجله) شكلها عادي ومحترمه جدا,,,
سبب التنازل:
أنها تدوخ,,, أول ماوصلت صارحتني بهالشي عقب أنا علمت ريلي ,, بما أن ريلي ملتزم عصب قال ليش من قبل ما علمتنا ليش ألحين حطتنا فالأمر الواقع!! ومصر أنه ينقل كفالتها إذا حد يباها,, وإذا ماحصلنالها كفيل بيسفرها على حسابنا,,, يعني رافض أنها تقعد فالبيت نهائي,,
والله ياخواتي أني أحاول أقنع ريلي فيها لأنها حنونه على عيالي أنا عندي خدم لكن عمري ماخليت حد فيهن يعابل عيالي تقولي مدام إذا تبين أنا بسبحهم (تشوفني حامل وتعبانه) و مره قالت لي شو تبيني أسوي عشا!! أنا استغربت أنها تبا تشتغل وتساعد لكني ماعطيتها فرصه لأني أنا بروحي أطبخ,,
ومره شفتها تعلم بنتي كيف تكتب a b << حتى أنها يوم تدخل قسمي الصبح بروحها من غير ما أأمر عليها ترتب وتنظف أي شي قدامها,, والله أن كل من يشوفها يقولي ياحظج توفقتي في هالدريوليه أحس ظربوني بعين حسبي الله ونعم الوكيل
صح أنها تدوخ لكن عمري ماشميت منها ريحه حتى خدامات بيتنا ماشافنها ولا يدرون أنها تدوخ ,, لأنها تطلع فوق السطح تدوخ ماتدوخ قدام حد ولا فالسياره,,,
وتراها مب مثل هالفلبينيات الخقاقات عند أمي دريوليه 24 ساعه مجابله التلفزيون وتسرط السعر والوعر,, والله أن هذي بالغصب تاكل ,,
أنا عن نفسي استسلمت خلاص للأمر الواقع أنها مابتدوم لي مع أني محتايتنها لأن ريلي دواام وجامعه طول النهار لكن الله يهديه مايباها نهائي,,
للعلم نحن متفقين معاها بنعطيج معاش 1500 بعد ما تاخذين ليسن الإمارات بشرط تكونين ناني ومسؤوله عن بنتي اللــي عمرها 3سنين ونص و وافقت لأن قبل على أساس نبا نعطيها معاش 1300 بس هي تبا أكثر قلنالها 1500 ورضت,,, وتبا أجازه بس مب كل اسبوع ,,,
لين ألحين نحن مابدأنا معاها أي اجراء هي كملت عندنا اسبوع ألحين باقي لها 53 يوم عن تنتهي اقامتها
السموحه منكن خواتي,,,حراااام اللي تباها رجاء ما تستغلها في كل شي هي طيبه وحنونه و خلوقه أتمنى ألاقي لها كفيل يقدر هالشي ,,,
كنا بنسويلها فالبدايه الميديكال والضمان والإقامه عشان تبدأ تتدرب وتاخذ الليسن قبل العام الدراسي يبدأ بس قدر الله وما شاء فعل,,
للعلم هي تسوق في بلادها وعندها ليسن الفلبين وتسوق قير عادي ونحن هنيه عندنا قير تماتيك والتماتيك أسهل من العادي,,
قبل كانت تشتغل عند عائله فالمناصير وكانت في بعض الأحيان تروح الجمعيه والدكاكين اللي حولهم بدون ليسن ,,
نحن كنا نبا نيبها عن طريق وحده فلبينيه موجوده في بوظبي على 5500 بس السفاره قالت أن فالفلبين ألحين مشددين عليهم ومابتقدر تطلع من مطارهم لازم تيبونها عن طريق مكتب,,, اطرينا نيبها عن طريق مكتب خدم ودفعنا 7000 لين وصلت عندنا
رجــــــــــــــــــــــــاء" خواتي اللي جاده ومحتاجه دريوليه بالفعل تراسلني عالخاص أنا كاتبه كل المعلومات هنيه اللي تبا رقمي بطرش إلها ,,,,,,
اللهم صلى وسلم على نبينا محمد
اللهم صلى وسلم على نبينا محمد
اتريا عالخااااااااااص
