اشحالكم بناااااااااااات
الي على بتربي قريب والي في الاربعين
شو رايكم نتناقش شو ناوين تسووون
نيووو لوك طبعا اتجددين فيه نفسج
انا محتاجه اجدد نفسي مرتين الاني ما تهنيت بعد ولادتي الاولى كنت مقرره اتعدل واغير ستايلي بس ما لحقت حملت على طول الحمدالله على كل حال
الحين خلونا نتبادل الافكار مع بعض
وخصوصا بيكون عيد الاضحى يعني الكل بيشوووفج ولازم يحس بالفرق
بالنسبه للشعر من صبغ وقص والي تبا تفرد شعرها
وبالنسبه للجسم والحمام المغربي والخطوط
والبطن وشدة
واللبس ….لبس برع من تنانير وفساتين قصيره مع بناطلين
ولبس للبيت حابه يكون لي نيو لوك جدام اهل ريلي
يالله الي عندها افكااار ما تبخل علينا
الصراحه حابين نتناقش في هالموضوع حلوو الواحد يغير
انا بعد حابه اسوي نيووو لوك بصبغ شعري ويمكن اقصه شوي لنه غامضني اقصه
ومن ناحيه اللبس حابه اغير في ستايلي بس ماعندي مديلات يديده
لو تفيديني بموديلات حلوه
انا مقرره ان شالله اقصه قصير واصبغه بلونين يعني بس اطراف الشعر تكون مصبوغه والي فوق اسود ما ادري بيظهر حلو والا شرات هالصوره
[IMG]
[/IMG]
ومفكرة ان شالله افصل كمية من جلابيات الدانتيل مع شيل نفس موديل الجلابيه للولادة وبلبسهم في البيت بين اهل زوجي علشان جيه احاول افصل شي مب شفاف والايد تكون طويله
يالله بنات خلونا نتبادل الافكار
ومووووووووووول ما اروح البيت
اصلا ريلي ما ايي إلى الخميس والجمعة والسبت بحكم الشغل
وليش ابى اتم عند اهلي :
أول شي: لانه هذا اول بيبي لي وابى امي وخواتي يساعدوني بالياهل وما اتبهدل واتعلم كيف اسبح وإلبس وغيره؟؟
وثاني شي: عشان اخلي ريلي يتوله علي هو يوم ايي بالويكند يكووون مشتااااق موت كيف اربعين يوم ؟؟ بس ما بحرمه من شوفتي موليه يعني بيزورني بيت اهلي ؟؟؟
وثالث شي: عشان اسووووي نيوووووووو لوووووووووك ؟؟
افكر إنـــــــــــي اسوي جرد للملابس الجديمه
يعني ابى افصل جم مخوره وتعيبني مخاوير محل شرجاوي بمركز ساره واليورو بسوق نايف له اسم ثاني بعد دانة نايف …
وابى اشتري جلاببات حلوه وخفيفه وبعد بفصل جلابيات
انا فصلت عند احلى ما فيني حق الولاده بس باجر او بعده بستلم الجلابيات وان شاء الله إذا عيبتني الخياطه أكيييييييييييييد راح افصل مره ثانيه عندها؟؟
وهـــــــذا موضوعها
https://www.uaewomen.net/showthread.php?t=132095
وابى اخذ لي اطقم اشياء داخليه وجم قمصان نوم + بجاااايم وعيبني البجايم بهالموضوع ؟؟؟
https://uaewomen.net/showthread.php?t=138081
وابى افصل عبي بس ساده ويمكن وحده فيها شغل بس باللون الأسود عشان اقدر إلبسها … لانه عندي عبي حفله مفرورات ولا إلبسهم إلا بالمناسبات وغالبا ما اتي مناسبة وإصلا انا ما احب اروح واااااااايد مناااسبات ؟؟
وبخذ جم شيله يديده ان شاء الله عيبتني جم شيله من هالمـــوضوع
https://www.uaewomen.net/showthread.php?t=133918
وعيبتني هالصبغة والقصه
بس ما على كيفي افكر اروح صالون عمرو في دبي وهم بيخبروني شو المناسب لي ؟؟
على فكره انا بس مره وحده بحيااااااااااااااتي كلها بس سويت خصل يوم عرسي
والخصل نزلت وما تنشاف يعني يوم بصبغ صج ريلي بيتفاجئ ؟؟
افكر اصبغ كامل مع خصل افتح عنها ؟؟
وبتحنا حنااااااااء عرايس بصالون فلورا ولا هيفاء بالحمرية ؟؟ بجرب واحد منهم بس ما اعرف اي واحد احسن
واكيد بحف وبسوي تقشير وحمام للجسم وتنظيف بشره
طبعا يوم بصبغ وبتحنا بكوون طالعه من 40 وقبل لا اصبغ وغيره
بروح انظف البيت وبحط كفر يديد وبغير ديكور غرفة النوووم
ويوم الخميس إلي هو يوم رجعت ريلي ما بيعرف اني مسويه كل هالتعديلات في البيت وبعمري ؟؟؟
وغير هذا بودي فستان عرس خالتي للدوبي عشان يسوي له بخار وينظفه هو ما شايفنه علي لانه كنا ما معرسين اصلا … شكله نااااااااااااااعم ولونه رووووعه بطيخي ؟؟
وبلبسه وبروح الصالون مكياج مع تسريحه خفيفه ؟؟
ممم وافكر بعد اطرش له هديه قبل لا ايي يوم الخميس
يعني بطلب هديه من احد العضوووات وطبعا انا بطرش لها البيزات قبل مع خدمة التوصيل ؟؟
وبخليها تكتب بطاقه باسمي وما عليها إلا انها تعطيها المندوووب ويوصلها ؟؟
هذا إلي ببالي إلحين ؟؟
يستاهل بووووووو سيف ؟؟؟ اهم شي ونااااااااسته
يالله منو بيزيد افكــــــــــار
صراحه مشتاقه للأيام العرس … لوووووووووووووووول
و
وناويه اشتري عدسه عسلي
ومكياج
وبسوي شعري
وعندي فستان بسيط من مانجو يديد بلبسه
ابا رايكم
يالله حطوا افكار زياده نبى نستفيد ؟؟
وينهم الحوامل
انا يوم بظهر من 40 بيكون نفس اسبوع عرس حمي إذا ما بغيرون موعد العرس
لو كان نفس الاسبوع بيكون وناسه حق ريلي وعرس حمي ؟؟
انا ما صدقت يفتح المنتدى عشان اشوف الردود ؟؟ بس محد متحمس
وينك يالحوااااااااااامل ؟؟؟