مرحبا بنات
بصراحة انا ما صارت لي فترة طويلة في المنتدى
لكن الحين أحاول اني اتثقف واقرا اليديد …
بصراحة قريت أشياء في قسم التنحيف ..
لكن …
أعتقد انه موضوعي له دخل شوي في قسم العرايس بعد.
في بنات حتى وهن ما يعانن من مشكلة الوزن الزايد ،
أو بنات يكونن ضعاف .. لكن عندهم خطوط بيضا او يسمونها بالانجليزي stretch marks
وقد تختلف المناطق اللي تحتوي على هاي الخطوط .. مثلاً الأرداف من ورا او من داخل،
او البطن وجوانب البطن .. او "الزنـود" ما بين الكتف والكوع …
هاي الخطوط تكون ناتجة من زيادة مفاجئة في الوزن اجبرت الجلد على انه يتمدد فتمدد بهذي الطريقة
وبعدين ممكن تكون البنت ضعفت او نزل وزنها لكن لا تزال هذي الخطوط موجودة …
،
البعض يستخدم كريمات لازالة العلامات ..
والبعض يستخدم خلطات طبيعية ..
والبعض يتعالج بـ جلسات اما ليزر او غييره ..
في موضوعي .. حبيت ألقي الضوء على هذي المشكلة ..
ونستفيد من خبرات البنـات .. ونساعد بعضنا …
ولكن .. اللي نريده في هذا الموضوع :
– كريم / خلطة .. مجربة شخصياً . وتفاصيلها.
– جلسات معينة مجربة شخصياً .. وتفاصيلها.
– طرق تجنب هذي العلامات …
السموحة على الاطالة ..
بانتظاركن ..
لكن جزيل الشكر على الوقت ..
وأريد ألقى لها حلّ .. بس حبيت أتشاور معاكم وأشوف نصايحكم وتجاربكم بالأول ..
وللحين اعاني منها
جربت اكثر عن خلطة واكثر عن كريم منهم كريم روك ومكتوب عليه انه للسترتش ماركس , بس للاسف ماداومت عليه بس حسيته كان بدا يخف وبدى اليلد ينشد حولين الماركس !
افكر ارد استخدمه مره ثانيه ’ وفي كريم غيره اسمه Trilastin بتحصلونه فالصيدليات الكبيرة بس ..
وايد مدحولي ياه ..
اتمنى الي تعرف حل تجميلي او surgical تخبرنا ..
أنا ما أنصحج بالحلول التجميلية .. أقصد العمليات ..
وأصلاً ما أعتقد انه في عملية لهالعلامات .. يعني ما اتوقع انه بيسوون رقع جلد! اممم
لكن اعتقد ومش متأكدة .. انه في جلسات ليزر او من هالسوالف اللي طالعة يديدة ..
بانتظار البنات وخبراتهم ..