عمار يا دار خليفه حكمها رحلت () لميناء السلام 2024.

وعلى الساعه 11 ظهرنا نتحوط مني ومناك صوب جزيره النخله كان خاطري اشوف فندق اتلانتس
وفخم ما شا الله
والجو كان على البحر رهيب

الساعه 1 الظهر رحنا ابن بطوطه وتغدينا في مطعم قصر الهند
وتمشينا شوي ..استغربت من المول ما كان فيه اي مظاهر احتفال باليوم الوطني غير عند الباب مسويين بالونات

عند صلاة العصر ..توجهنا للقريه العالمية
وكانت اول زياره لي ..>>اشوف كل العالم هابين فيها
وما حبيتها ابد ما اعرف ليش ..ما احب زحمه
وخاصة القريه الاماراتية سقم >>ما يخصها بالامارات
عورتني ريولي وقلت ما بكمل وظهرنا على طول
ورحنا بعدها الواحه سنتر شوي ..وكان فيه احتفال صغير

وبعدها رديتنا الفندق على الساعه 10 بليل
ريولي كانن ينملن من التعب ما اروم احركهن

اول ما وصلنا تحت عند المطعم

دشينا والكل يشوفنا >>حسيت شكلي غلط ما انه هم وافدين وانا مواطنه
بس حسيت اني انا في بلاد اجنبية من كثرهم

قال لا خلونا نطلب اي شي
حرمته قالتله لا تقنعنا ما نريد يعني ما نريد ههههههههههههه

وقمت اصور ..اخوي يقولي بس فضحتينا بيقولون الاجانب هاي ما شايفه خير
قتله حتى هم يصورون كل شي يت علي انا بس

بعد ما خلصت تصوير يلسنا ندور مطعم الواحد يسد يوعه فيه ..شفت عرب يالسين في هالمطعم
قلت خلاص وصلنا …اكيد فيه اكل عربي

دشيت مطعم يفتح نفس

على طول يلسنا على الطاوله الي مجابله الماي …( قمة الرومانسية ) ويبين برج العرب

وقالي شي بوفيه >>قلت ابرك اشوف الاكل بعيوني قبل ما اطلب
واخيرا بكل اكل حلو

هذا عشاي
حطيت كل أنواع الاكل >> اجربهن

صورة عن قرب

بعد ما خلصت

ولسويت

كان البوفيه لشخص بي 200 درهم تقريبا

بعد ما خلصنا عشا رحنا نتمشى بالقارب في المنطقه الي حوالين الفنادق

(المصيف وميناء السلام والقصر)

هذا القارب صغير

صراحه بدون اي مبالغه ..روعه روعه روعه
الجو والمناظر ترد الروح
تحسين عمرج في ايطاليا

سوري على رداءة التصوير اهنيه لان كنا نتحرك عشان شي

هذا فندق القصر

هالمناطق والترتيب والماي كله صناعي ..صراحه انجاز انا اعتبره
يعني كل هذا سوه من تقريبا 7 سنين بس >>ربي يحفظ الامارات

وراوانا المرشد فلل ملكيه >>قال الليله فيها ب35 الف درهم
وفي بعد الليله ب10 الاف درهم
الي بتروح تشلني معاها هههههههه

تقريبا كانت الجولة نص ساعه
او يمكن أقل

ونحن نتمشى بالقارب صادفنا موقف كدرني . ..بنات من السعوديه راكبات القارب اروحهن بدون ريال يعني
ويالسات يصفقن ويغنن بصوت عالي
عاد تخيلو جو هدوء وفجاه نسمع حد يغني يا سلامي عليكم يا السعوديه ..بصوت عالي وايد
يفكرن عمارهن في ملعب كورة

سبحان الله في ناس ما تحترم الاماكن الي هيه متواجده فيها

الموهيم ..رجعنا بعد المشوار الحلو

ولقينا في الغرفه صحن خضرة

وهالوزة تستقبلنا

وحلاوة صغنونه على سرير

وبس …انتظروني في اخر جزء والي هو اليوم الثالث