عملية أطفال الانابيب تخبرين حد ولا سر؟ 2024.

خواتي أنا مسوية عملية أطفال أنابيب من ثلاث سنوات والله رزقني بولدي بجري طبعا بعد عدة محاولات فاشلة وأنا الحين ناوية أعيد المحاولة بس هناك مشكلة وهي أن أهل زوجي وأهلي يالسي ع الدقة ويقولولي أي شي تسوينه نبا نعرفه لازم تخبرينا يمكن نحن نعالج مع العلم ماشاء الله أقل شي وحده عندها أربعة الله يحفظهم للعلم أني لما حملت بولدي قلتلهم كان العلاج المعتاد شوية تحاميل + حبوب أعرف أنه جذب بس شو أسوي أخاف ع مشاعر ولدي يوم يكبر لأني أعرف أن تفكيرهم متخلف .
هم وايد مقهورين لأني وايد كتومه في أمور حياتي ويحبون يعرفون كل كبيرة وصغيرة بس ما أعطيهم مجال بس هالمرة تقول عندهم الحاسة السادسة الكل يسألني وين رحتي وليش أعرف أنه اهتمام بس مش لهدرجه أعرف أني ممكن شويه أبالغ فتكتم
أريد شوركن وجهني هل أنتي لما تعملي أنابيب تخبرين أم يبقى سر بينج وبين زوجك أم عادي العايله تعرف؟
وجزاكن الله خيرسامحني ع الاطالة بس بغيت أفضفض

والله افضل ما تقولين مهما كان هاي امور حياتج الخاصة محد له حق يعرف شو تسوين وهم ما يقولون لج امورهم الخاصة وربي يوفقج

صح اختي استعينوا بقضاء حوائجم بالكتمان شوفيني من كم سنه بس شفت الخطين والله ما خليت أحد ما قلت له من الفرحه ما كملت ساعه ومغص قطعني لين شهر ونزل وللحين ما صار حمل الحمدلله على كل حال يعني اذا رجع الزمن كنت كتمت عن هالحمل..

علني فداج بعد أنا أقول جيه
وربي يسرلج أمورج

فديتج ربي يعوضج بتوأم ومشكورة الغالية

والله يختي ما شي غير جيه صراحة هالناس مقطعنهم الفضول مع أني من النوع إلي ما يسأل في أمورهم الخاص فما أدري ليش ما يعاملوني نفس الشئ شكلي بكثر استهبال هالفترة ومشكورة الغلا ربي يسرلج أمورج ويسعدج