عملية الكي بالمنظار للتكييس 2024.

شحااالكم خواتي شخباركم يالغاليااات .. وحشتووني ..

بقولكم سالفتي ..

في رمضان يتني الدورة 10 ايام .. بس كان كله لون بني ونااادر ما اشوف لون احمر .. فرحت عند الدكتورة وعطتني دوفاستون .. وقالت اذا في حمل بيثته واذا ما في بنزل لج الدورة ..

المهم .. فكرت وااااااايد بالعمليه ووااااااايد قريت عنها .. وصليت استخاره وارتحت .. وقت للدكتورة اني ابا اسوي عمليه .. جان تقولي انا من زماان اقولج بسوي لج بس انتي مب طاايعه ..

فقالت خلاص .. يوم بتتطهرين من الدورة تعالي .. وسألتها كم بتكلف . قالت 15 الف .. فقلت مب مشكله الخير موجود .. وريلي مواافق الحمد الله

بنااات تنصحوني اسوي عمليه؟ ..
واللي جربتها تعور ولاا ؟؟ يبين اثر العمليه ولاا ؟؟
اقدر اتحرك ولا لازم اتم ع الفراش وما اتحرك ..
وفي علاج آخذه بعد العمليه ولا كييف بالضبط !!؟؟؟

بنااات انا قلت ل ريلي يوم بسويها ما بخبر احد .. يمكن بس اخبر ماماتي واختي .. بس ما ريد احد من اهله اني بسوي عمليه .. احس اني متوهقه بهالشي .. تنصحوني اخبرهم ولاا .. ؟؟؟

الله يرزق كل محرووومه يااارب بالذريه الصااالخه عاجل غير آجل اللهم آميييييين

ياااااارب ترزقني بالذريه الصالحه

السلام عليكم

غالية العملية بسيطة بس ثلاث ثقوب ع البطن ويمكن ترجعين البيت نفس اليوم وبنج كامل
انا سويتها في الشارجة والحمد الله عندي تكيس والحين لي 9شهور مسوية العملية
بس التكلف اقل من جذي وايد

بنسبة لي انا ما خبرت احد غير اخواتي وقلت لهم لا تقولون لاحد

ادعي لة بذرية صالحة
اي استفسار انا موجودة

الله يرزقكم بالذرية الصالحة ان شاء الله

ممم انا انصحج اتشوفين راي كذا دكتورة

قبل لا تسوين العملية

لان في ناس تتعالج و تحمل و هي عندها تكيس و بدون ما يسوون عمليات و ما تدرين شو نتايجها

لان اذكر ختية كانت تبي تسويها و الدكتوره ما نصحتها فتاكدي بالاول خاصة ان المستشفيات غدت مادية

اختي مديه 20 .. كيف قدرتي ما تخبرين احد من اهل ريلج ؟؟
صراحه انا ساكنه معاهم في نفس البيت .. ووييين ما نروح لاااازم بتخبرون عسب يكون عندهم علم وما يخافون ..
ما عرف كييف ادبرها صراحه ..

ام سعود ..
الله يرزقج من حيث لا تحتسبي ^^ .. والله يسمع منج ياارب ..

اميرة الاحساس

انا عندي التكييس وااااااايد كبيير .. وخذت وااااااايد ادويه بس ما ياب فايده سبحان الله..

والدكتورة تقولي انها سوت لوااااااااايد حريييم هالعمليه والحمد الله تنجح وبعد 3 شهور يحملن ..

الله يكون بالعون ..

بعد طمعانه ابا ردووووووود ^^

اختي انا شراتج فيني تكيس شديد والحمد لله على كل حال.. والله يرزقنا بالذريه الصالحه….

حبيبتي عثوله تران أنا سويتها من شهر وشوي …
المنظار وليس عملية وايد سهل .. وان شاء الله ربي يوفقج وتسوينه …
حالات التكيس الشديد ينصح بها عمل المنظار أولاً لأن المبيض يكون كسول جداً في انتاج الحويصلات للبويضة
والاباضة تكون نادرة الحدوث مع أخذ أكبر عدد من المنشطات سواء كلوميد + الابر المنشطة ..
والنتيجة جداً بسيطة مقارنة ويا الأدوية المنشطة .. ومع زيادة الجرعات ومرور الوقت تتفاقم المشكلة للمتكيسات بشدة
وممكن يكون في أثار جانبية فليش والله أنا أعرض نفسي لهدرجة !!! وبالامكان إني أعمل منظار؟!
والله عن نفسي خذتها قناعة لو كل سنة أعمل المنظار ويكون في نتيجة ما عندي مشكلة ولله الحمد
وخصوصاً أنتي صليتي استخارة وشفتي انج مرتاحة فتوكلي على رب العالمي وان شاء الله بتتخلصين من التكيس ..
وفي نقطة حابة أوضحها للمرة المليون للبنات حتى لو مرت عليكن فترة سنة وما حملتن + رجعت التكيسات
بتكون استجابة المبيض للعلاج بعد المنظار أكثر عن قبل بوايد

وبخصوص متى تسوين المنظار أنا سويته من 2 يوم بعد الطهر .. والمنظار يكون لمدة 45 دقيقة
مع بنج كامل وبعد المنظار بينزل عليج دم لمدة 3 إلى 6 أيام على حسب طبيعة كل وحدة
أنا نزلي لمدة 3 أيام تقريباً .. وبعد في نقطه حابة أضيفها أنا الدكتور سوا كي للمبايض بالليزر وبعدها نفخ لي
الأنابيب عشان يتأكد ما شي منهن منسد وكل العملية صورها لي بـ CD للتوثيق
يعني المفروض كل هالأشياء الواحد يتأكد منها