السلام عليكم ورحمه الله وبركاته
اشحالكن بنات 
رمضان كريم وعساه ينعاد عليكم بالخير والبركه
وكل عام وانتو بخير
حبيت اشارككم بفكره عندي بس ماأدري اذا بتنجح
من البدايه …. 
راتب زوجي ضعيف وحابه اساعده
طبعا حاولت اتوظف بس كلنا نعرف محد يحصل وظيفه بسهوله
اوكي ، قدامي حل واحد اسوي مشروع صغير لنفسي ، والمشروع طبعا يبغاله راس مال …
عندي فكره لجمع راس مال بسيط وهني الحكايه
وان شاء الله تكون بادره خير واقدر اسوي اللي براسي
عند حماي عزبه اغنام في العين وتعرفو رمضان والعيد قربو
فقلت بسوي له اعلان ومنها اذا جبت له زباين من صوبي ويعطيني نسبه من الربح حتى لو بسيطه ، وكذي بجمع راس مال حتى لو قليل بتكون البدايه ….
وابغى منكن العون وكلنا خوات ودايما نتساعد بهالمنتدى .
فاللي حابه تشتري من عنده او حابه تستفسر تراسلني على الخاص وبدلها على العنوان او اعطيها الرقم مع العلم انه يوصل للعين ودبي والشارقه وعجمان ، وتقوله انها من طرفي عشان يعرف ،
وطبعا(يلبي طلبات العزايم والاعراس).
هاذي خططتي
ابغى دعواتكم بنات لي بالتوفيق ومعونتكن بعد الله
ربي يحفظكن من كل شر
انتظر ردوودكن 
اتمنى من المشرفات ما ينقلون موضوعي لقسم ثاني ولكن جزيل الشكر ….
وفقك الله يا رب .. بس حطي الاعلان في القسم التجاري وحطي الاسعار عسب يكون في عند الزبونات فكرة 
بالتوفيق
والسلام عليكم ورحمة الله
اختي jassy الاسعار على حسب الطلب وموب انا اللي احددها
كل الامور عند راعي العزبه
حبيبي : بس انا عندي كلمتين : اريدج تلزمين الاستغفار ….
قال الله تعالى ( استغفروا ربكم يرسل السماء عليكم مدرارا )