حبيت اوريكم عنايتي وراح اتكون شامله ( الويه والجسم والشعر ) اليوم صورت
بعض الاشياء وباجر اكملكم لاني تعبت لووووول نبدي بكريمات الويه والغسول
والسكرب وعنايتي بالشفايف والاظافر
هاذي صوره جماعيه 
هذيله مرطبات حق الشفايف
1. من لابيلو على جريب فروت امبيه ايننن صج يرطب ويعطي لمعه قويه
2. من بودي شوب حلووو على فراوله
3. من كلينك وايد حلو ويرطب
حق الاظافر
1. من بودي شوب عجييييب يغني عن البديكير يشيل اللحم الميت
طريقته فر ويطلع السائل اتوزعينه بالفرشه وتفركين اينن
2. من بوتس ال pads شرايح اسيتون وفيها ترطيب وتحمي الظفر
من الجفاف مع الوقت
3. مبرد من كليرز عجبني شكله كيوت
الغسول عندي انواع وايد وراح اقولكم شنو الاحسن منهم
1. من نيتروجينا deep clean حلو بس يناسب
البشره الدهنيه اكثر لانه ينشف وانا بشرتي مختلطه
وجافه بمنطقه ال T zone
2. من ماركس سبنسر حلوووو وينظف عجبني
1. من clean and clear هذا رقم 1 عندي مووو صج صفى بشرتي
بنسبه 90% مااستغى عنه اسمه غسول سريع النقاء
2. من كلارنس وايد حلو جنا كريم لما احطه مع الوقت حسيته وحد لوني
1. من بودي شوب بولش يعني اخف من السنفره بفيتامين C عادي
يستخدم كل يوم روووووعه هم مااستغنى عنه وريحته برتقال
قوووووويه
2. خذيته من الصيدليه غسول من خلاصه شجره الشاي ما ناسبني
يبيله وحده بشرتها حيييل دهنيه لان يجفف الويه شوي يعني
وايد ينفع حق وحده ويهها دهني وفي نفر
من بودي شوب مجموعه فيتامين c و E
1. فيتامين c نفس البولش اللي فوق ومعاه كريمه حلو بس
عيبه شوي طبقه عالويه حبيت فيتامين E اكثر
2. فيتامين E تونر ينظف الويه من الميكاب او حتى بدون ميكاب
اينن احطه عالقطنه وامسح ويهي وينظف من قلب
3. والكريم المدور عجيييب احطه قبل الميكاب يعطي glow
حق الويه وهم مرطب
هذيله من استي لودر يووووميا استخدمهم عجيبين وايد ناسبوا ويهي
الاول سيروم وفي قطره والثاني كريم مرطب مع حمايه احلى كريم
جربته بحياتي بصراحه يخلي الويه نااااعم ويرطب لما سويت سيرج
عنه لقيت ان فايز بجائزه احسن مرطب حق سنه 2024
1. هذيله من كلينك المدور مرطب وفي حمايه هم حلو بس مو بمستوى
استيلودر
2. الطويل هذا كريم يوحد لون البشره بس نتايجه بسيطه
يتبــــــــــــــــــع
1. من لوريال (المدور) وايت بيرفكت هذا سحررر لما استمريت عليه حييبل
صرت بيضه بس قطعته لان بسوي تان بالصيف
2. الطويل من لوريال عااادي واقل من عادي ماسوا شي
3. من بريتي كريم بخلاصه اللبن حق المناطق القامجه بالويه
حلووو
1. الازرق من vichy يهببل كريم في نسبه ماي وايد
2. الابيض بعد من vichy حمايه مادري ما حبيتها فيها لون ما عجبني
وطبقه معنه وايد يحبونها بس انا مااعجبتني
3. البرتقالي خذيته من الصيدليه حمايه طبيعي اكثر وحلو
1. من منتجات الهملايا سنفره على جوز حلوه وخفيفه
2. من كلارنس ماسك جربته مرتين يخلي الويه ناعم انشالله بستمر
عليه عشان اشوف نتايجه
1. جل بيبي جونسون اخذوووووه وانتوا امقمضين امبيه اينن
يخلي الجسم زبده انا احطه وجسمي مبلل صج اينن
2. بودره بيبي جونسون احب ارش منها على ملابسي الداخليه بعد
ما اتسبح وهم مرات احطها احب ريحتها
3. من كلينك زبده حق الجسم هم حلوووه مرات استخدمها
1. من منتجات الهملايا طين حق القدمين عجيييييب
2. فازلين الصبار وايد حبيته وريحته فرش وبشتري زبده الككاو بعد
3. من دوووف كريم مرطب حق الجسم اينن انا احطه بالجنطه ارطب ايدي
الاثنين من فيكتوريا سيكرت
1. الوردي بخاخ حق الجسم ريحته على ورد
2. البيج شريته واتوهقت فيه لوووول طلع كريم على طعم
بس يخلي الجسم حرييير بس عادي مرات استخدمه
عشان ريحته صج اتدووووووخ
هذيله ماخذتهم من ماركس سبنسر يشووووقون كافيار انا احطه بالببل باث
الحين بكملكم مع الشعر وباجر بحطلكم العنايه بالجسم ( الصابون والسنفرات وهالسوالف)
يتبــــــــــــــــــع
1. الاسود شامبو من تري زمي حلو بس حسيته خله شعري ملحس
يبيله وحده شعرها خشن شوي
2. حمام زيت الجرجير واي اموووووووت عليه اينن يخلي شعرج زبده
حسيت شعري غيييير لما خطيته حتى يعطي لمعه صج اينن
3. الوردي من فيكتوريا سيكرت so sexy بلسم هم اينن
بروح اخذ الشامبو ماله
4. الاخضر الفسفوري هذا دايما استعمله حتى لما اسافر امووووت
على هالماركه اشتري بالهبل منهم واغلبهم خلصوا
يخلي الشعر فيه لمعه وحياه حتى ريحته فواااكه
5. الوردي شامبو هيربل اسينسيز حلووو
هذيله من لوريال
الشفاف يعطي لمعه حق الشعر
الاحمر يثبت اللون وهم يعطي لمعه
هذيله من حيادر خلطه الشعر وخلطه الرموش
خلطه الرموش مووووو صج اتينن ماتوقعتها جذي
خلطه الشعر جربتها مره وحده مااقدر احكم عليها بس ما نشفت شعري
منقوووول
تسلمين والله ع ذكر تجاربج
بانتظار المجموعات الثانيه ..