السلام عليكم بنااتات وصباياات وحريمات خخخ ,,
عاد السمووحة ماعرف شو أقول بالضبط فبدش بالموضوع دايركت ,,
طبعا اللي يعرفني يعرف اني ماحب شي اسمه رجيمات وحرمان ,,
أحسن طريقة لنزول الوزن بنظري دووم التخفيف + الريااضة المستمرة ,,
طبعا انا ما شا الله ودرت الريااضة من شهر 2
ومن هاك اليوم لين شهر 7 زدت 5 كيلوو ,,
يعني بمعدل 1 كيلو في الشهر ,,
هذا و أنا أبدا ما كنت اخفف من أكلي كنت أكل عادي ومن كل شي ,,
المهم يوم سافرت وقعدت برع البلاد أنا عبالي اني متنت ,,
بس الصدمة يوم شفت وزني نزل تقريبا كيلوين ,,
معني ماخليت شي ما كلته هناكي خخخخ
كل يوم أكل من ماكدونالدز ,, جاليبي ,, كنتاكي ,, أو تشاوكينغ ,,
المهم بخبركم نبذة عن الرحلة وشو اكتشفت عن جسمي وحالته ,,
سلمكم الله أنا عندي مرض أو بالأحرى حساسية مب مرض ,,
بس ماعرف شو اسمه بالضبط بالعربي ,,
اسمه بالانجلش Skin Asthma
أنا اتحسس من كل شي تقريبا ,,
من الغبار .. الحرارة والبرودة القصوى ,, التوتر ,, التعرق .. الخ
قالت لي الدكتورة لو سويت الفحوصات قبل من و أنا كنت صغيرة ,,
جان ع الاقل أعراضه ما بتكون قوية شرات ماهي أحين ,,
وقالت لي ما شي علاج له ,,
بتم طول حياتي أعاني من هالشي وواحد من عيالي بيعاني شراتي ,,
وهالمرض عادة مايصاحبه الربو ,,
وطلع عندي بس ع الخفيف ,,
وسرت عند اخصائية تغذية ,,
عاد أنا خبرتها كل شي وعن حالتي ,,
وجان تقولي أساسا ان ما ينفع اني أعصب ولا اني أتضايج ,,
لان هالشي وايد يأثر عليه عسب جي مناعتي ضعيفة ,,
خبرتها اذا عصبت أو اتضايجت بتم ساكتة وبكتم اللي بخاطري ,,
واذا حاولت أصيح ماقدر اصيح لاني ماعرف كيف ,,
بس أظهر من البيت أو اتم طول 3 ايام لأسبوع ع الشبرية بدون ما أكل شي لان مالي بارض ,,
ها الشي وايد أثر ع صحتي بشكل فظيع ,,
ولاني كنت أسوي جي طول حياتي مناعتي ضعيفة وعندي كلها الاشياء فجسمي ,,
الدكاترة منعوا عني وايد أشياء ,,
أهم شي التوتر ,, العصبية ,, واني أتضايج ,,
طبعا أنا ما أقدر أتحكم بـ هالاشيااء ,,
بس بحاول قد ما أقدر ان شا الله ,,
ومن فترة كنت ابا أبدا اني أخفف وأسوي ريااضة بس ماقدرت لظروف خاصة ,,
بس ربيعتي يزاها الله ألف خير شجعتني ,,
وحمستني انها تحدتني لين ما نداوم من أول ويديد نشوف منو اللي بتفوز ,,
الاخصائية عطتني مكملات غذائية لان أنا أبدا ما أكل خضراوات ,,
بس هالمرة بحاول أكل ع الاقل سلطات عسب أساعد جسمي شويه ,,
الريااضة بتساعدني ان تخوز عني التوتر ,,
الحالة النفسية وايد تلعب دور بحياتنا بشكل يومي ,,
الحمدلله حالتي النفسية أحسن بوايد أحين ,,
والله مشكلتي يا ناس اني أكتم و أكتم و أكتم آخر شي أنفجررر مرررة وحدة ,,
اللي أباا أقوله ان ماكنت أدري ان حالتي النفسية لعبت دور في ضعف جسمي ..
قصدي ضعف المناعه ,,
المهم عقب كلها ان شا الله أتغير للاحسن ,,
عاد أنا هدفي الصدقي اني أغير من أسلوب حياتي للصحي,,
و احسن من حالة جسمي النفسية و الجسدية ,,
ما يهمني اذا نزل وزني ولا لا ,,
أهم شي اني أغير من نفسي أول شي عقب هالشي بينعكس ع الخارج ,,
طبعا اهنيه بكتب يومياتي وشو اللي صار وياي ,,
وان شا الله نهاية رمضان أرد شرات قبل وأحسن ,,
رفيقي في الدرب خلال الايام اليااية " المصحف"
بكثر من العبادات ان شا الله وأستغل هالشهر الكريم ,,
هذا اللي عندي أحين و ان شا الله بكمل باجر ,,
يمكن تستغربن ليش أنا وايد صريحة باللي كتبته ,,
بخبركن ليش ؟؟
هذا لاني أبكون صريحة مع نفسي عسب تتحسن حالتي ,,
لازم أواجه مشاكلي بكل قوة وبلا تردد ,,
اذا بغيت حالتي تتحسن لازم أعترف اني بحاجة لمساعده ,,
فيا أخواتي أتمنى اتكونون وياي في الصراع اللي أنا فيه ,,
لاني صدق تعبت و أبا أرد ماكي اللي الكل يعرفها قبل ,,
ربيعتي من فترة ما رمستها ,,
ويوم رمستها قبل كم من يوم جان تقولي ,,
ماكي ماقمت أعرفج و الله .. تغيرتي وصرتي سلبية وايد ,,
اهنيه أحس اني استوعبت مشكلتي وقلت لازم أحلها قبل لا تزيد ,,
فان شا الله يارب تتحسن حالتي النفسية و الجسدية ,,
أوبس صح أكيد تبن تعرفن طولي ووزني ,,
طولي 157.5 سم
والوزن 67.6 كيلو
الهدف في شهر واحد : 2-4 كيلو فقط لاغير
عندي لين تاريخ 11/9/2011
وان شاء الله تتغير حياتج لللافضل
صدقيني تقدرين
بس اتفاءلي دوم واعرفي قدراتج وانج تقدرين تسوين وايد اشياء حلوة
استناسي دوم وان شاء الله تضعفين حبيبتي الى الامام (=
المشاركة الأصلية كتبت بواسطة شجون اماراتية 
وان شاء الله تتغير حياتج لللافضل
صدقيني تقدرين
بس اتفاءلي دوم واعرفي قدراتج وانج تقدرين تسوين وايد اشياء حلوة
استناسي دوم وان شاء الله تضعفين حبيبتي الى الامام (=
ويااج يارب ,,
املي بالله كبير فديتج ,,
وأعرف اني بتغير للأحسن بإذن الله ,,
وهذا هدفي أحين اني أتم متفائلة بربي وان كل شي بيتغير ان شا الله ,,
مشكورة غناتي لمرورج الاكثر من رائع ,,
ومشكورة لثقتج فيني ,,
تيك كير ^^
تعالي انتي وين تختفيين فجأة
ههههههههه انا من معجبات مواضيعج ودومي اطالع شو يديدج
والحمدلله اني لقييتج
الله يوفقج ياختي
ويارب توصليين للي تبينه
المشاركة الأصلية كتبت بواسطة QặlB MηђặЯ. تعالي انتي وين تختفيين فجأة
ههههههههه انا من معجبات مواضيعج ودومي اطالع شو يديدج
والحمدلله اني لقييتج
الله يوفقج ياختي
ويارب توصليين للي تبينه
ياويل حالي أنا ,,
طلع عندي معجبات وأنا مادري لووول ,,
همم اذا عن مختفية مختفية صدق هههههه
مستوية نينجا متخفية ههه
اتخيليني و أنا لابسة عباة شرات النينجا ومتلثمة خخخخ
حيااج فدييتج فموضوعي ,,
عاد هالموضوع غير عن كل المواضيع اللي سويتها ,,
يمكن انتي ملاحظة هالشي ,,
يالله ان شا الله من باجر بسدح كل اللي بسويه ^^
ثانكس فديتج يوتو ^^
ان شا الله بكون من متابعينج …..
الله يوفقج و تكملين مسيرتج للنهااية يااا رب ….
اول ماجفت موضوعج قلت واااااااااااااااو بس صراحه صدمتيني في الوزن حرام عليج
بس ماعليه ان شاء الله تنزلينهم بالعافيه
وان شاء الله انا برد معاج لان حماسي قل في رمضانواحس بكسل بس حمدالله لوزن نفس ماهو
نترياج بنصيحج وروحج الحلوه
