انا طرحت موضوع مرض بنتي بمرض الثعلبه……قبل شهرين تقريبا………
https://forum.uaewomen.net/showthread.php?t=364788
والخوات يزاهم الله خير ما قصروا…………بس للاسف لين الحين ما تحسنت حالتها….بالعكس زادت
المنطقه..إلي فيها التساقط….يعني قمة راسها كلها وشعرها من جدام….والحين باديه الدوائر تظهر في
شعرها من ورا…..الحمد لله ع كل حال…….
انا وديتها المستشفى العسكري وعطتها ابر في المكان……مرتين…
ووديتها عند دكتوره ثانيه…….وعطتها عايدين حار وكتبتلها شامبو الحشيشه للتساقط…بس الصراحه ما اقتنعت بهذا العلاج فما سويتلها…..
وعقب وديتها عند مطوع وقرا عليها وقال ان هاي عين…..وانا وابوها دوم نرقيها….وما ترقد إلا إذا قريت عليها…….
وعقب وديتها عند مركز العارف للتداوي بالعسل والاعشاب…….وهو دكتور متخصص…وريال مطوع…بعد قال هاي عين……وعطانا خلطة عسل وخلطه من ثوم وحبة السودا…افرك بها المكان…..
وقال اغسلولها شعرها بماي مقراي فيه…..وسويت…….
الصراحه انا احس في تحسن بطيييييييييييييييئ….بس التساقط مستمر….
قريت عن المرض….ان ممكن تكون في غده مسويه صديد…وهي تأثر ع الشعر…..وانا كنت ملاحظه انها وايد تناخر يوم راقده…….فقلت يمكن في شي ف خشمها…..وفعلا وديتها عند اخصائي…انف واذن وحنجره….وقالي ان فيها البلعيم(مع العلم انها نادر ما تمرض)وانها مسويه صديد وان فيها اللحميه…ولا زم عمليه….وبيسويها لها 17-2 بالليزر وبتطلع من المستشفى اليوم إلي عقب العمليه..
الحمد لله ع كل حال…………..مب عارفه وين اضرب براسي….والله تعبت من التفكير….وما عندي حيله غير الدعاء……….
بس نصحتني عمتها….اني اوديها عند الدكتور ابراهيم كلداري…..واتصلت ف عيادته وخذيت
موعد….بس ما عرفت المكان بالضبط(الموظفه قالتلي ف جميرا…)
واذا عندكم…حد اتعالج عنده يا ليت تفيدوني……..
المشاركة الأصلية كتبت بواسطة um-a7md 
كيف اسير…يعني اي شارع اسهلي….
فيهه بمستشفى راشد دكتوور أوكي ،، بس تأكدي من جلساته وعلاجة اوكي
اعرف وحدة تعالجت عندة
واستمري معاااهااا بالحبة السودا والعسل كل صبح ،، واقري عليهاا المغرب سورة البقرة علاج عن كل الأمراض مدة أربعين يوم وبشوووفين الفرق وصحة بنتج ان شاء الله ..