هالموضوع حبيت فيه افادتكم باضرار المضاد الحيوي
وما يجوز استعماله الا بالحالات القصوى
اذكر في الجامعه وفي حصة الكيمياء
كانت الدكتورة الكندية تقوللنا ان المضاد الحيوي مهمته القضاء على البكتيريا الحميده والسئة في الجسم
فعشان جي الانسان عقب كورس المضاد يشعر بالوهن والتعب
او تظهر في حلجه بقع بيضاء
وبل البعض ممكن يرجع يمرض مره ثانية
وطبعا السبب مثل ما قلت ان الجسم يفقد مناعته بسب انه يفقد هالبكتيريا الزينة او الطيبة
واستغربت الدكتورة بكميات المضاد الحيوي اللي يصرفونها عندنا بالدولة بداعي وبدون داعي للمرضى
وقالت عندنا بكندا ما يرضون يصرفولنا المضاد الا عقب تحاليل مخبريه
اما عندكم فالطبيب يطلب من المريض يفتح حلجة ويصرفله المضاد على هذا الاساس!!!
فيا خواتي مو كل ما الولد او البنت تعبوا عطيتوهم بهالمضاد
تحملو تراه يخرب المناعه
خلوا الجسم يحارب بنفسه البكتيريا والفيروسات
عسب تقوى المناعة وتتعزز
وتتكاثر البكتيريا الجيده
انا عني وعقب ما عرفت هالمعلومات
احاول اعزز مناعتي ومناعة عيالي بالفيتامين والاكل المفيد
نفس الخصروات والفاكهه واللحوم والعسل وغيره
ووقت ما يمرضون او تصيبهم حمى استخدملهم مخفضات الحررارة
نفس الادول والتحميل اللي له فعاليه كبيرة جدا في خفض الحراره وما استغنى عنه بثلاجتي وعلى حسب اعمار عيالي
وطبعا الكمادات المتوسطة الحرارة وليس الباردة
والفيكس
العسل والليمون
وبس
اما المضاد فما استخدمه الا في الحالات القسوى
نفس العمليات
او التهاب الاسنان لان التهاب الاسنان صعب علاجها بوجود الالتهاب فلازم ياخذون المضاد
وحابة اخبركم قصة صغيرة عن ولدي
اضطريت اعطيه مضاد لان اسنانة كانت ملتهبة جدا
والضرس يلزمله خلع
فعطيته المضاد
وبعد كمن يوم ولدي انتكست وااااااااااااااااااااااايد
ويته حمى شديده
وكانت حالته الصحية باسوء ما مر علي
طبعا حاولت اخفض حرارتة ثم اعزز مناعته
ولله الحمد عقب خمس ايام الولد قام يتنطط في كل مكان تبارك الرحمن
تحملوا على عيالكم
ولا تستمعون لهالمستشفيات التجارية الربحية
لكن شو نسوي بهالدكااااااااااااتره ؟؟
المشاركة الأصلية كتبت بواسطة بطوط 
طبعا اللي قلتيه معلومه مهمه
بس الاهم مو كل ما الدكتور وصف المضاد صرفناه لنا ولعيالنا
نروم نتحمل الحمى شوي
لان حرام نضيع مستقبل صحتنا عشان يومين حمى
مشكورة فديتج