حبيباتي البعض منكم احسنوا الظـــــن بالمواااطنـــــــه .. لا تعتبرون كل مواطنه كتبت جذه موضوع انها متعاليه ,, و ما تحترم الجنسيات الاخرى لشخصهم ,, و انها ما انحطت في بيئتهم علشان جذي ترمس عنهم ,, و ان نظره المواطنه للجنسيات الاخرى هي نظره تعالي و تحقير و سلبيــــــــه .. الاحلى لما تكون النفوس طيبه و النيه صاافيه تجاه مواطنه او غير مواطنه …
مشكورين و لكن الظاهر الردود تتهمني بالسلبيه تجاه الجنسيات الغير اماراتيه و الترفــع عليهم و شوفه النفس عليهم بما أني اماراتيه و انا اتحكم في فلوس امي اعوذ بالله و ان المال مال الوالده و هي بكيفها و اني انا ايي على راسها و اقول حطي الفلوس هني و هناك !!
> سؤاال : في احد يرضى يشوف امه محتاجه و متضايقه و عليها سلفيات و هي ماعندها وظيفه ! <
و كلااااام كثير غريب << لذا انصح بعض خواتي العزيزات انهم داائما المفروض يحسنون الظن بالبنت المواطنــة اذا يت و كتبت موضوع عن هالمواضيع و اتمنى يبعدون فكره ان المواطنه متعاااااليــــــــه و تتفاخر بجنسيتها على خلق الله مهما تعددت مواضيعها
حاولي ما تاخذين كل موضوع تكتبه المواطنه على اساس انها نظره سلبيه للجنسيات الاخرى ..
الـــحين قلت لازم اخبركم بالتفاصيل عشان تفهمون و انا استفيد من ردودكم
السالفه كلها يا حبيباتي أن الواالده ما تشتتغل و ماعندها غير الدوله و هي مديـــــــــــــونه من ناس كثااار … و من بعد ما تعطيهم تشتكي و بنفسها تقول خلاص انا تعبت طلباتهم كل يوم تزيد اكثر و اكثر
الوالده في هم كبيــر و شخصيتها بسيطه و ضعيفه نوعا و هي محتاجه لكل فلس لنفسها و لعيالها الصغار لكن طلباتهم تحرجها و تبدأ تتسلف من اهل الوالد علشانهم …
الوالده حره بفلوسها لكن اي وحده ماترضى تشوف امها في هالحال ,, ضيج و كدر و هم و حاجه ..
ماعندنااا ماانع تعطيهم الاقربون اولى لكـــن هي حرمــــة كبيـــــــــره حالتها اقل من الميسورة و ماتقدر على المبالغ الي يطلبونها و انا ما اشتغل لو اشتغل انا الي راااح اعطيهم بنفسي من فلوووسي بس علشان يتركون الوالده ترتاااح شوي !!
يا ناس محد فينا يرضى يشوف امــــه تدفع دم قلبها و هي محتااااجـــه بسبب حفله نجاح او خطوبه ولد اخوها في فندق من اغلى الفنااادق في ابوظبـــــــــــي !!
اهل الوالده موب فقــــــــراااااء ,, عندهم خيـــــر و فضيل بعد لكـــــــن مادري ليش هالاستغلال ,, عندهم معاشات طيبه بس الاعتماد الكلي علينـــا ما سألتوا نفسكم ليــــــــش !! وشو السبب و شو الدافع دام ان اهل الوالده خيرهم كثير !!
رجاءا السلبيــه مو منـــي انا بغيت حلول مش لــــوم و عتاب في غير محله حتى لو زادت اعداد مواضيعي دام ما فيها اهانه لج او لأي جنسيه و شخص ما يحق لأي انسانه تتهم الوحده بالتعالي او بأي صفه خطرت على بالها او اتهام بالسلبيه و بالتعالــي و بالتحكم في حلال الوالده .. استغفر الله العلي العظيم
الله يفرج هم امكم يارب
بس اذا انتي كنتي حاسه انهم يستغلون امج كلميها وقوليلها صح انهم محتاجين بس كل شي بحدود
والله يوفقكم
بس تعطيهم بحدود يعني انتوا الأولى اذا كنتوا محتاجين وعقب هم اذا كانوا محتايين بالفعل
مب ايي واحد منهم والله ابي بيزات عسب اشتري سيارة يديدة آخر موديل ^^
فهمتيني كيف ؟؟
تعطيهم للحاجة فقط ..
وقولي وياي لا إله إلا الله محمد رسول الله …..
غاليتي 
هذا ثاني موضوع لج في نفـس اليوم عن أهل أمــج وتركيزج على إنهـم مب مواطنيـــن بسلبيــة !
غاليتي
اتخيلـتي لو أمــج ماخذت مواطــنوانتي كنتي عايشـة في نفس بيئتهــم ^_^
حطي نفســج مكانهـم ولا تترفعيــن عنهم لإن بالأخير ماشي فرق بينكم إلا بالتقوى والإيمـان
هذول ناس من لحمـج ودمـج مب الجنسيـة الي امبينكــم لا أختي
والخيــر أولـى فيهم بدال الغريب
إذا أمـج عندهـا وتبغى تعطيهـم أختي هي حرة في بيزاتهـــأ ^_^
يعني ما أتخيــل في حد في العالم عنده مبلــغ يحب يي حد على راسـه هذا اصرفـهه اهني وهذا لا !
لو كان المـال مالج من حقـج ما تعطينهـم ولا درهـم لكـن دامه مال الوالدة ربي يحفظهـا^^
وهي حابـة تتصدق لعل نيتهـا دخول الجنـة من باب الصدقـة !
انتي أحسني الظن فيها وفي أهلهـا
وحاولي تحترمينهــم أكثر لشخصهم ولدينهـم ومب لجنسيتــهم
والسموحة إذا صراحتي اثرت فيج
الله يهدينـا أجمعين لكل خير ^_^