بسم الله الرحمن الرحيم
الطبخه طويله شويه بس صدقوني لذيذه
اول خطوه نحضر العيش وناخذ جزء منه نغسله ونخليه في المشخله عشان ينشف من الماي يباله على
الاقل نص ساعه لين ينشف عقب نقلاه بدون اضافة زيت لين ما نوصل للون المطلوب ممكن ذهبي
او بني ( الصور تشرح الكلام )
نجهز الدياي بخلطه عباره عن ملح + فلفل اسود + فلفل احمر + كزبره ناشفه + كمون +
هال + كركم + زعفران + ماء ورد + زيت زيتون ( المقادير حسب كمية الدياي ) عقب نشوي الدياي
في الفرن ( الشرح بالصور / غطو البايركوس بالقصدير )
نجهز الحمص المجروش ( نحنا نسميه نخي ) وخطواته انه نغسله زين عقب انفوره ويا عود جرفه وملح وكركم ونشخله ونغطيه عشان ما ينشف
( الخطوات بالصور )
( الخطوات بالصور )
نجهز بطاط مقلي بعد ما رشينا عليه ملح وفلفل + زبيب ( نغسله شوي ) + بيض + كوب فيه
ماء ورد وزعفران ( الصور تشرح )
اللون ونصب خلطة الزعفران بالماء ورد و عقب نضيف البطاط ونرش عليهم
شوية ملح وفلف اسود وكركم عقب نصف البيض تحت ونحط النخي والزبيب ونرش شوية
هال ) نغطي المكونات لمدة عشر دقايق على نار هاديه
الصور تشرح
العيش طبعا نفوره عادي المقلي ويا الابيض
النهايه السعيده
واسمحو لي في صور مب واضحه العتب على النظر وانا اصور
وابغي دعوه من الخاطر
واللي عندها اي سؤال انا حاضره
بيربها فاقرب وقت مشكورة حبيبتي عالطبخات الطيبة .. صدقيني ولا بنت العالم
روعه وتسلم ايدج
ربي يوفقج ان شاء الله
قصص أنا احب مواضيييييعج موووووووووووت
روووووووووعه ما شاء الله