خواتي انا ادري انكم مابتقصرون ويايه بس صدق انا يالسه ادخل في دوامه تعبتني وشتت تفكير وحياتي انا متزوجه من 4 سنوات والحمد لله ريلي على خلق ودين وعندي عيال والحين حامل غيرتي على ريلي ذبحتني مع انه مول مايسوي شي يثير غيرتي استويت اغار حتى من الخدامه ومن البنات اللي وياه في الشغل مع انهم كلهم محترامات واعرفهم وعلى اتصال دايم وياهم صرت اشك فيه وايد وانعدمت الثقه في نفسي مع اني كنت انسانه الكل يحسدني على ثقتي العاليه في نفسي والله ما دري شو هذا اللي فيني وعلى طول هالشي مايخوز عني فيدوني الله يخليكم لاني والله حاسه اني يالسه اخرب بيتي .ستهدي بالله وثقي في ريلج وصدقيني راح ترتاحين لأنه بدون ثقه مابتقدرين ترتاحين وياه بتمين طول الوقت شاكه فيه و هذا ألي يزيد الغيره فيج ………
وانتي نظراً لكونج امرأة حامل ،، فأكيد الهرمونات عندج مضطربة شوي ،، والله يصبرج على حمالج ،، ويعينج ويقويج على المسؤولية يارب ،،
وترى الثقة في ريلج احسن حل لمشكلتج ،، جربي انج تحسسينه بالثقة لين ما صدق صدق تقتنعين انج صدق واثقة فيه ،، وترى مب حلوة لو حسستيه انج مب واثقة منه ،،
ولا تنسي قول الله عزوجل :
(يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ).
يتضح أختي مما سبق شرحه في الآية القرآنية … انّ الشك بالآخرين لم يكن مرة فضيلة ..
فليس للإنسان ان يظن في أخيه المسلم السوء …فالاصل في العلاقات بين الناس المحبة .. وسوء الظن يقود الى الكراهية التي قد تأتي في هذه الحالة لسبب ربما لم يكن موجودا
توكـــــــــلي على الرحمن ،، ولا تخلي اي شي ينغص عليج حياتج ،،
..
الله يعينج وتعدي الفتره على خير ..