لو عندنا خبيرات للميك اب ممكن ينصحوني ..
انا تعبت من كثر ما اجرب فاونديشن للماركات معينة واحس ما ينفع لبشرتي ..
اولا انا بشرتي مختلطة في منطقة التي زون . ( اليبهة – الذقن – الانف – الخدين ) وجربت كريم اساس من ماك و ماكس فاكتر .. بدايه عادي بس عقب ساعات ويهي يستوي زيتي ويلمع والكريم يسيح ..
شو تنصحوني لفاونديشن للبشرة المختلطة ..
والبووووودرة بعد ..
وبرايمر للبشرة المختلطة ..
ابغي فاونديشن وبودرة للاستخدام اليومي و للمناسبات ..
وصراحة ماعرف للبرايمر .. اصلا ما كنت احط برايمر ..
يقولون لي حطي مرطب وعقب حطي برايمر وعقب الفاونديشن ..
ابغي مرطب لليشرة المختلطة ..
وبرايمر بعد ..
دخيلكم مابغي هالاشيا تستوي زيتي عقب بعد ساغات ..
وياريت ناديه ال علي تنضيحيني بعد للميك اب ..
وثانيا ..
1- هل القاونديشن يكون نفس لون ويهي ولا افتح بشوي ؟ ( بشرتي حنطية ) وفيها بعض العيوب مثلا من احف ويهي خلاص يتدمر ويتجسس وحاليا اتعالج .
2- البودرة بعد تكون نفس لون ويهي ولا افتح ؟ ويفضل تكون من نفس الماركة ؟
3-افضل مرطب للبشرة المختلطة ..
4-برايمر بعد
لما اخذ شوي كريم افتح عن ويهي يكون لونه وايد ابيض وخذته من لوريال باريس ..
حـاليـا احسـن فـاونديشـن اشـوفه حـق البشـرات المختلطـة و الدهنيـة هـو ميـك اب فـور ايفـر اسمـه مـات فيلفـت و عنـدج بعـد ريفلـون اسمـه كلـر ستـي color stay تحصليـن ريفلـون فـي سنتـر بـوينـت
المـرطـب اللـي بتـاخذينـه لازم يكـون مكتـوب عليـه هيـدرا ..يعني مكـونـاته مـائيـة مب دهنيـة
لان مـرطب دهنـي فـوق بشـرة دهنيـة يطلـع نـافـورة دهـون
و علشـان مـا تضيعيـن خـذي لـج من مـاركـة استـي لـودر اللـي فـي محـلات اريـج و بـاريـس غـاليـري
و بالنسبـة للبـرايمـر شـوفـي مـاركـة توفيسـد بتحصلينهـا فـي سيفـورا ..خـذي البـرايمـر مـن هالمـاركـة لانـه خـالـي من السيلكـون اللـي يخـلي البشـرة تتحـسس و تحـبب
بالنسبـة لـدرجـة الفـاونديشـن هـذا يعتمـد علـى ذوقـج ..اذا تحبيـن اللـوك الطبيعـي خـذي نفـس الدرجـة و اذا تحبيـن لـوك ينـور ويهـج شـوي خـذي افتـح عنـج بدرجـة وحـدة بـس
خلـي اللـي تبيـع تجـرب علـى ويهـج ،،نـص ويـه نفـس لـون بشـرتج و النـص الثـانـي افتـح بدرجـة و شـوفـي شو حبيتـي اكثـر و لا تـاخذيـن الا الشـي اللـي انتـي مقتنعـة فيـه
و يفضـل البـودرة تكـون من نـفس المـاركـة و خذيهـا عـلى نفـس درجـة الفـاونديشـن ^_^
يـوه وايـد كتبـت ..ان شـاء الله تكـونيـن استفـدتـي 
ما استخدم الفاونديشن الا فالمناسبات بس اللي ناسبني استي لودر دبل وير و N07
واستخدم واقي شمس يكون oil Free
استي لودر + ريفلون
اخذي 2 نفس بشرتج و الثاني افتح شوي
ابغي اشوف صورة لهم ..