ربيعتي الروح بالروح انخطبت و ان شاء الله ملجتها بعد اسبوعين (ادعولي بالزوج الصالح والله يرزقني)
ربيعتي من دبي و ريلها من امارة ثانية وهي ماشاء الله عليها دلوعة وتحب تروح واتي
الي اقصده مب انها تحب تروح المولات بس هي تحب تشارك الناس في روحاتهم ويياتهم
وصالون وغيره وغيره يعني حالها من حال اي بنت في سنها
ريلها بحكم وظيفته و بعد امارته عايش بطريقة تختلف عنها وهو حاب الوضع الي هي فيه بس هي
تسالني اذا اعرف وحده ماخذه ريال من بوظبي ولا راس الخيمة كيف تعاملهم ويا حريمهم ؟
هل يشدون وياهم ولا عادي؟
الحرمة كيف تكسب ريلها وتمشي على عاداته لكن بنفس الوقت ما تضيق على عمرها؟
لان نحن نعرف وحده شراتها لكن ريلها صاك عليها في كل شي الحمدلله على كل شي لكن يوم تدلع له ما يعيبه ويوم تسوي اي حركة يا يصرخ عليها أو يقول لها قلة أدب 
واذا لبست بنطلون جيز في البيت وشافتها اخت ريلها أو أمه ينازعونها ويشوفون هالشي من الكبائر
وهي من سالفة ربيعتنا هذه وغيرهن خايفة من هالشي مع ان الريال ماشاء الله عليه مصلي ومسمي وخايف ربه.
ابى البنات الي خذن رياييل من امارات غير امارتهن كيف قدرتوا تتأقلمون مع الوضع وشو هي الصعوبات الي لين الحين تواجهكن؟
يزاكن الله كل خير
وووووااااااااايد موضوع العادات والتقاليد يعن باختصار نحن انسميهم بدوا
عشات معاه كمن سنه والحين عندها بيبي منه
لاكنها بتطلق لأنها ما قدرت تتاقلم مع الوضع وتدخلات اهل ريلها
وسالفه
بس بعد هالشيء ما يعتمد على الكل …
وربي يوفقها ويسعدها
فديتج ما عندي فكره لأني ماخذه من الأهل وعارفين لي لينا ولي علينا
والله يوفج ربيعتج ويرزقج الزوج الصالح يارب
فديتج انا من دبي وزوجي من منطقة ثانيه وبدوي…..تعريفين طبعا عاداتنا في دبي كيف
زوجي …عاداته *
لاتطلعين جدام ريايل خواتي…..
تغشي…..
قصري حسج عمال في البيت
حطي شيلتج ع راسج اذا طلعتي في الحوي
لاتلتفتين يمين ويسار في السوق
لا تطلعين وايد…….
لا ……….لا…لا…………
بس كملت وياه عشر سنين قدرت اغيره شوي لله الحمده
ويعتمد على الريال
واهله فديتهم مايخصهم في حياتنا وهم يحبوني وايد بس مب نفس اهل دبي قلوبهم على بعض
يعني نحن بنشتري حق عيالنا وعيالهم وبنراوهم كل شي حتى ثياب العيد نحن على نياتا بس هم كله يخشون ومايخبرون …..اهم شي انهم مايضاربونه
صدق دلوعة
الله يسر عليها يارب