السلام عليكم
شخباركن عساكن بخير ان شاء الله
ان شاء الله ريلي مقرر يعزم جارنا يوم السبت
فالعيش و اللحم مقرره بيبه من برع
وانا مقررة اسوي شيز كيك وفروت سلط
فتة الباذنجان ( بس بسوي بدل الباذنجان بسوي البطاطا ) لاني ما احب الباذنجان ^_^
ومب عارفة شو ممكن اسوي بعد
لاني تقدرون تقولن توني مبتدئة فالطبخ
فاباكن تساعدني وتقترحن لي اشياء ممكن نسويها حق الغدى و تكون سهلة
ابا ابيض ويهه ريلي
الله يعطيكن العافية يارب
محاشي(ورق عنب، كوسة،ملفوف)
تبولة و فتوش
سلطة روب بالخيار
و اي شي تبين انا حاظرة
و السموحة
تبولة و فتوش
سلطة روب بالخيار
و اي شي تبين انا حاظرة
و السموحة
اول شئ اول مايوصل سوي العصير وخلي دله القهوه والشاي موجودات مع موالح خفيفه
بعدين العشا او الغدا الطبق الرئيسي مثل ماقلتي عيش ولحم وحطي سلطات وروب و شطه و فطاير او سمبوسه خضار و جبن مقليه و عصير او غازات وماء
بعد العشا القيمات وسلطه فاكهه و كيك صغير ونسكافيه حسب الطلب اذا كان للعشا او شاي
