اشحالكن خواتيه ..
مثل ما قريتوا في العنوان هذي فرصة للخوات أصحاب المواهب في التخصصات التالية:
التصاميم
الديكور
الرسم
المكياج
الأزياء
الأكسسوار
العبي والشيل
الكيك والسويت
العطور والدخون
وأي شي ممكن تبتكرنه بنفسج وتبدين بزنس خاص فيج من خلاله
هذا العرض خاص لبنات وسيدات بوظبي فقط
وهيه فرصه عشان يعرضن الأشياء والبضايع الي يسونهن بنفسهن
ويكون دعايه وتشجيع منا لكل وحده باديه بزنس يديد وفرصه انها تسوق لبضاعتها وتحصل اكبر عدد من الزباين
نحن اندور افكار يديده ومبتكره بعيد عن التكرار
الفكرة يت منا طالبات في جامعة زايد في كلية البزنس .. وهيه معرض خاص ونبا من خلاله نشجع خواتنا المواطنات
بحيث انه اي وحده تبا تشارك في هذا التجمع ما عليها الا انها تراسلني وتعطيني شرح كامل عن نوع البضاعة الي تسويها مع الصووور ضروري
ونحن بنختار افضل الافكار واكثرها ابتكار وبنقبلها
على فكره .. الأماكن محدوده .. في شروط معينة ورسوم للمشاركة وبيتحدد التاريخ واليوم خلال الأيام اليايه
واي استفسار على العام بليز واذا تعرفن حد من برا المنتدى يا ليت تخبرنه
وتقديم الطلبات+الصور على الخاص
اي طلب بدون صور سيتم تجاهله
وللتذكير المعرض للخوات الي يسون البضايع شغلهن الخاص هب جاهز وتقدمه للبيع
حياكم الله
اشكر بنات جامعة زايد على تشجيع المبدعات …. بس انا بغيت اسالج عادي نروح و نشوف المعرض يوم تفتتحونه و الا بس حق بنات الجامعه ؟؟؟ و شو هي الايام اللي بيكون فيها هالمعرض مفتوحه ؟؟
المعرض بس لبنات الجامعه
جيكي الخاص
الصراحة شي روووووووووعة منكم اللي تسوونه ,,, المهم الغالية ممكن نبذة عن الموعد والرسوم وشروط الاشتراك والله يوفقكم وييسر لكم الخير ان شا الله دنيا واخره
@ اختكم في الله@
المشاركة الأصلية كتبت بواسطة نجمة الفجر 2000 
الصراحة شي روووووووووعة منكم اللي تسوونه ,,, المهم الغالية ممكن نبذة عن الموعد والرسوم وشروط الاشتراك والله يوفقكم وييسر لكم الخير ان شا الله دنيا واخره
@ اختكم في الله@
هلا اختيه
الموعد بيتحدد قريب بيكون في نص هالشهر الشروط بتتوفر خلال الايام اليايه والرسوم بعد
بعطيكم كل التفاصيل قريب
انا قلت اول ابا اشوف اذا في خوات من المنتدىيبن يشاركن ولا لا