السالفه بما فيها أن ريلها يدخل شات جدامها ويريدها تقتنع انه حق السوالف مش حق التعارف ويقولها أن الشات يمكن يمنعه من وايد أشياء مب زينه ,,, فهي مش مقتنعه أنه يدخل ويسولف مع بنات لان الشات للتعارف .. وترقيم ومغازل… وهو متغير عليها وايد … فهل وحده منكن مرت نفس المرحله …؟ وعلـى فكره هي مب ناقصنها لا من جمال ولا مقصره …
وشو تنصحونها … هي كم مره نصحته بس هو مب راضي يودره واذا ودره بيدخل من وراها ,,, وهي عندها ولد منه
^_^ بأنتظار أحلى ردود منكن ياللي عندها خبره في هالاشياء
لو انا منها بكسر الكمبيوتر ع راسه ..
لكن ما اقول غير الله يهديه ..
ترا كل وحده واسلوبها ويا ريلها
وكل ريال يختلف عن الثاني
مثل ما كل حرمه مختلفه عن الثانيه
دام انه يدخل جدامها معناته انه مش خااايف ويبين لها انه ما يسوي شي غلط
والدليل انه يدخل الشات جدامها..
…………….. والله ما اعرف شوو اقولج ..
لا حول ولا قوة الا بالله
كل ممنوع مرغوب
واذا نحاست زوجها بمعنى انها زعلانه وتلومه راح تخسر الكثير
انصحها ان تجذبه بلبسها وحركاتها
وتشتري لها لاب توب خاص فيها وتقفل الحجرة على نفسها وتنغشل عنه وتضحك بصوت عالي وحركات بنات بس
اذا هو جلس تقوم لكبيوترها بحركات مدروسه ما تبين انه وحده بوحده….. وهي شطارتها
حاول تشتري سانيو 3 او تو… وتقعد تلعب جدامه ههههههههههه حركة حلوووة وهو بيستانس لانه شي محسوس وقدامه وتكثر من المكسرات والخفايف والفواكه الحلوة مثل الكرز والفراوله
بمعنى تحاول تجذبه بطريقه مدروسه
والسموحة
لكن صحيح لو هو يدخل جدامها …خليها تقعد معاه وتشاركه بطريقتها … يعني مب تنغص عليه وتنفره منها …
فيضطر انه يطلع برا البيت ويشيت ع كيفه …
يعني خليها تاخذه بالسياسه …وشوي شوي بيتركه صديقيني ….
بس خل تقوله انه مجرد الكلام او سوالف ع قولته هذا حراام
لو حتى ما يتعرف .. او غيره
هالشي في دمه
يمكن ريال ملول
او هي مملة .. خله يشيت لين ما يمل ..مصيره بيعقل..
خليه تنسي الشات وام الشات وتضحك عنده وكل مايبا يفتح اتسولف معه