الموضوع باين من عنوانه
انا عرسي شهر 6 ان شاءالللله
وابا افصل فستان عرسي على ذوقي يعني عندي ثلاث موديلات وابا ادخلهم في فستاني يعني الطرحه بشكل والذيل بشكل والفستان بشكل
وكل مارحت عند مصمم يبا يمشي ذوقه
والي يوافق على الي اقوله اياه يكون سعره فوق الخيال الصراحه
وناا ماريد اروح عند اي حد خاطري في شي طر
حد عنده اسامي مصممين ممكن اروح اشوفهم ماعليكم اماره تعطوني اسامي الاماكن ووين موجودات لاني في بوظبي
لو كانن في دبي عادي بروح المهم شي روعه يطلع
وحدود الفستان واللمت من 10000 لين 15000 الف
في انتظار حلولكم لي
صعب جدا تحصلينه بهالسعر للاسف 
انا وايد متضايقة المصممين يايرييين..وكل شي غالي
ابتداء من الفندق الكوشة والتصوير..لين فستان العروس والمكياج
محد يراعي
الله يعين..
بالنسبة للاسامي المعروفة..اروشي..ايزرا..مايكل..
تصاميم حلوة..بس غالين 
في عندي حل لميزانيتج..ممكن تتعاملين مع وحدة..تدفع عنج نص مبلغ الفستان..لو طلع ب 40 الف..تدفعين انتي النص وهيه تدفع النص..ومن عقب اول لبسة تاخذه عنج وهيه تتصرف بالفستان تأجره او تبيعه
صدق انه صعب لين ما ترسين على مصمم اوكي
شووفي في وااايد مصممين الي ذكرتهم لج اختي dr.reemy وبعد عندج اماتوو واايد يمدحونه
عني انا لعرسي مفصله عند مايكل شكله وااايد كوول خص اني ابا شي غريب وفي نفس الوقت رااقي فلقيت الي ابااه عنده طبعا بعدني ما شفت فستااني الا في الرسمه بس احس انه بيطلع وااو ان شاء الله
بس سعره غااالي ويبتدي من 40000 وفووق
وشوفي اختي اذا تبين شي حلوو وغريب على هذا السعر صعب شوي
بس شووفي ازرا في دبي فنان وتقدرين تفصلين عنده بحدود ال 30000 بس على اساس انه اجار يعني انتي بس بتدفعين 15000
وبالتوفيق ان شاء الله
الدنيا صارت نار وكل شي غالي ..
روحي عند ماني كوتور في السوق عدال في نفس سيد البنايات اللي صوب الحريبي..
روحي تقاسيم بعد ماشاء الله عليها فنانه في السوق فوق في نفس بنايه محل سهارى.. وفي البنايه اللي عدالهم بعد بتحصلين سبوزا..
عندج ايشتي بالخالديه سوي عنده لو حصلتي كلوي لو كلوي محد ماضمنلج لانه تعاملنا مع كلوي كان..
وعندج فيوروشيك بعد حلو..
وجربي ريانه العود اظن اسمه في الخالديه بعد…
الغاليه سيري محلات اللي في الخالديه شوفي شغلهم ولو عيبج سوي عندهم وتابعيهم.
افضل انج تسوي في بوظبي عشان تسيرين لهم متى مابغيتي تشيكين ع الشغل..
والله يوفقج..
عندج محل غنادير في دبي بس مادري وين بالظبط …
مرة حظرت عرس و العروس كان فستانها رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووعة ….
فللللللللللللللللللللللللللللللللللللللللللللللللل لللللللل كريستال …
ب 12000…
روحي و ان شاء الله تلقين اللي تبينه …
موفقة …
و مبرووووووووووووووووووووووووووووووووووووووووووووووو ووووووووك .
كل واحد سعره فوق الخيال
واللي قالوا مايكل
مايكل لفساتين الاعراس من 37 ألف وفوق
سعرج اللي حطيتيه ممكن اتأجرين فيه فستان يكون انتي اول وحده اتاجرينه
اما تفصيل احس صعبه
والله يوفقج