كنت مفصله فستان في عرس اختي .. كل من شافه تخبل عليه .. ويتخبلون عليه اكثر يوم البسه .. علشان ما شاء الله عليه جسمي محدد .. واليسا ولا شي جدام جسمي ..
المهم هالفستان كنت اموت عليه .. واايد احبه .. وقلت اني ما بفرط فيه ولا بفره .. بخليه عندي .. وكنت في مناسبه مثلا عيد ميلاد .. حفلة تخرج .. ملجه .. بين اهلنا يعني .. البسه .. كنت وايد احبه واحب لونه ..
المهم في عرس اختيه الثانيه.. سرت افصل فستان ثاني ..و شليت الفستان الي احبه معايا على اساس انه قياس .. المصمم قالي لازم تخلينه عندنا .. قلتله انزين .. خليته عندهم ..
المهم اتصل المصمصم وقالنا تعالو شلوا الفساتين .. سارت اختي بس لاني انا كنت مشغوله .. وعطاها الفساتين كلها .. بس القياس لا .. يعني الفستان الي احبه ما عطاها ..
وفي البيت اختي قالت هذي فستانج .. وانا يالسه ادور على فستاني الحلو ( القياس ) ..
مالقيته .. يوم قلت لاختي… قالت اهو ما عطاني غير هذيله بس …
يوم سرت عند المصمم .. قتله انا عطيتك قياس .. قالي الستنى بدوره .. قعد يدور فوق ساعه .. وكل شويه يقولي مش موجود انتي متاكده انج عطيتي .. قتله متاكده ميه بالميه .. قالي انزين اهو ما عندي .. قتله كيف ما عندك انا متاكده اني عطيتك الفستان على اساس قياس .. واليوم بطلعه لي والى واسوي لك مشكله .. قعد يدور ويدور الله واعلم يمكن يكون سرقه .. واخر شي قالي انا قلبت المحل فوق تحت وما لقيته .. وقعد .. وعصبت عليه وشليت المحل على راسه .. وقتله بيك باجر واذا ما حصلته بيبلك الشرطه .. قالت واحده عدالي مواطنه انزين الى فستان شو يعني .. قلت لها مب على الفستان .. قلت هذي امانه ولازم يحفظها .. مب يسرقها .. قالي انا ما سرقتها .. قتله ماشي باجر بيك ما لقيت الفستان ياويلك مني .. عصبي يا جماعه جي بكل سهوله يقولي ما لقيته.. انا متاكده ميه بالميه يوم قالي خليه عندي .. شو يعني انا خرفت .. حرام .. والله انه غالي وما يهون عليه .. لاني واايد مرتاحه له .. ليش يهفه .. شو يبي فيه .. الحين خبروني شو اسوي .. ترى ما التنازل عنه لو شو ما صار
الله يعوضج الغاليه
انتي غلطانه ..ليش تخلين القياس من الاساس .. عند الرياااال ..
اكيد عيبه مالها تفسير غير جيه
طليعه وطلعي عينه بعد
وخبرينا شو صار معاج