مراحب ماميـــز ..
.
.
فتحت هالموضوع حق كل الأمهات اللي عندهن يهال ..
نتناقش فيه عن كل شي يخص عيالنا ..
صح انه القسم فيه تجمعات .. بس مادري احس اغلب التجمعات سوالفنا واشياء تخصنا وجيه
يعني يبالج تلفين على كم صفحة عشان تدورين المعلومة اللي انتي تبينها مثلا ..
فقررت انه نفتح موضوع يكون وايد متخصص بأمور عيالنا ..
يعني شو نظام رقادهم .. شو ياكلون ومتى ..
شو الأمراض بعيد الشر اللي مرت عليهم (مغص، زكام، كحة) وشو العلاج الفعال لها المرض ..
وكل شي يعني ..
نخليه مثل المرجع .. كل وحدة تدخل وتكتب تجربتها بشكل واضح .. ونستفيد من بعض
اول شي .. كل وحدة تكتب
كم عمر الطفل :
الطفل بنت ولا ولد :
وبعدين ..
رضاعة طبيعية فقط .. ولا صناعي فقط .. ولا رضاعة طبيعية + حليب صناعي مساعد؟
اللي أقل من 9 شهور .. تأكلينه/تأكلينها ؟؟
وشو هو الأكل .. ؟ هل هو فريش ولا معلبات .. ؟
اللي يستخدمون الأكل فريش ياليت يذكرون طريقة التحضير
شو تطور البيبي ..؟ ينجلب؟ يزحف ..؟
يمشي .. ؟
اليهال اللي بدوا يتكلمون .. شو الكلمات اللي بدا يقولها او يقولها حالياً .. ؟
شو نظام الرقاد .. ؟
ومتى يبدأ ينتظم رقاد الياهل بحيث انه يرقد طول الليل بدون لا يقوم يرضع .. ؟
هل في طريقة اتبعتيها لتعويد الياهل على انه يرقد بشكل متواصل .. ؟
ومن عمر كم ممكن نتبع هالطريقة ..؟؟
التهاب الحفاضات .. في اي عمر يقل او متى يختفي ..؟
شو احسن حل للتخلص من التهاب الحفاضات .. ؟
التطعيم ..
شو هي الطريقة اللي تستخدمينها لتخفيف الألم
وتقليل أعراض الحمى .. ؟
أمراض الطفل ..
شو اللي مر به طفلج ..؟
مغص وغازات ؟
زكام ؟ كحه ؟
التهاب الأذن ؟
طفح جلدي .. حساسية .. اكزيما ..؟
وشو الحل اللي اتبعتيه واستفدتي .. ؟؟
النظافة والاستحمام ..
شو تستخدمين لتنظيف الطفل عند تغيير الحفاظ ..؟ وايبس او بالماء ؟
اذا وايبس اي نوع .. وشو ملاحظاتج ..؟
اذا بالماي .. هل دائماً تستخدمينه ..؟ وشو ملاحظاتج .. ؟
هل تركين الطفل بدون حفاظ يتهوى ..؟ اذا نعم .. كم المدة في اليوم ..؟
هل يستحم الطفل يوميا .. او كل كم يوم ..؟
شو المنتجات المستخدمة لاستحمام الطفل ..؟ وشو ملاحظاتج عليها ..؟
بعد الاستحمام .. هل ترطبين جسم الطفل ..؟
اذا نعم .. بالكريم او بالزيت ..؟
الغاليات هذا اللي عندي .. وياليت ألقى تجاوب عشان نفيد بعض ..
وأكيد مسموح لكن إضافة اسئلة أخرى ..
ولي عودة إن شاء الله ،،
موضوع حلو،،
بنتي ربي يخليها لنا عمرها 7 شهور
وهاي البجر ..
الحمدلله بفضل الله أرضعها طبيعي و أعطيها وجبات خفيفة
مثل السيريلاك، فارليز، عيش ويا كوسا بطاطا جزر
ومرات برتقال
بصراحة ما أحبذ الأشياء المعلبة،،
شو تطور البيبي ..؟ ينجلب؟ يزحف ..؟
يمشي .. ؟
والله بنتي توها شوي شوي تنجلب.. بس مب دائما،، يعني لو حطيتها على بطنها،، يتحاول يمكن 5 دقائق بعدين بتنجلب.. وماتحبي.. قالي الدكتور لا تخافين في يهال يتأخرون..
اليهال اللي بدوا يتكلمون .. شو الكلمات اللي بدا يقولها او يقولها حالياً .. ؟
بعدها فديتها،، يمكن اتقول انغا، اغووو، ابا، اما..
لول
شو نظام الرقاد .. ؟
ومتى يبدأ ينتظم رقاد الياهل بحيث انه يرقد طول الليل بدون لا يقوم يرضع .. ؟
هل في طريقة اتبعتيها لتعويد الياهل على انه يرقد بشكل متواصل .. ؟
ومن عمر كم ممكن نتبع هالطريقة ..؟؟
والله ـــ ماشيء نظام معين،،
لأن مرات يتلخبط الجدول لأسباب عديدة،،
بس احاول أرقدها 10، 10:30
واتنش 8 الصبح… وتقول كل ساعتين ربي يحفظها عشان ترضع
لأني مرات ما أشبعها عشان أبا أرقد لوول
التهاب الحفاضات .. في اي عمر يقل او متى يختفي ..؟
شو احسن حل للتخلص من التهاب الحفاضات .. ؟
نظفي المكان عدل،، و نشفيه،،
وبعدين لا تلبسين البيبي دائما حفاظ خصة لو فيه التهاب،، عشان يخف..
في هافات ف يبيبي شوب حق 6 شهور +
التطعيم ..
شو هي الطريقة اللي تستخدمينها لتخفيف الألم
وتقليل أعراض الحمى .. ؟
ياربي يعورون قلبي بعد التطعيم..
للأسف ما أسويلها شيء.. اتم ريلها تعورها،، وأنا ما أعرف كيف اخفف..
بس يقولون كمادات دافية تنفع..
أنا أعطيها أددول عشان الحمى
أمراض الطفل ..
شو اللي مر به طفلج ..؟
مغص وغازات ؟
زكام ؟ كحه ؟
التهاب الأذن ؟
طفح جلدي .. حساسية .. اكزيما ..؟
وشو الحل اللي اتبعتيه واستفدتي .. ؟؟
آآآآآآآآآآآآآآه لا تذكريني..
المغص وما أدراك ما المغص..
والله انها كانت تصيح الين تغدي طماط..
وكم مرة وديتها المستشفى يقولون عادي ومن هالكلام..
كانت تصيح بالساعات والله… دون ما توقف.. والحمدلله من الخامس خف شوي شوي
الحين بطنها وااايد يتطلع أصوات.. 
وفديتها كان فيها زجام أول ما انولدت و بلغم فديتها،،
النظافة والاستحمام ..
شو تستخدمين لتنظيف الطفل عند تغيير الحفاظ ..؟ وايبس او بالماء ؟
اذا وايبس اي نوع .. وشو ملاحظاتج ..؟
اذا بالماي .. هل دائماً تستخدمينه ..؟ وشو ملاحظاتج .. ؟
هل تركين الطفل بدون حفاظ يتهوى ..؟ اذا نعم .. كم المدة في اليوم ..؟
عادة وابس بس مرات في الحمام لو وايد خيست.. واستعمل مال بيبي جونسن أو سيبا ميد
مرات أخليها بدون حفاظ بس ما أطول،، يعني دقتيتين
هل يستحم الطفل يوميا .. او كل كم يوم ..؟
شو المنتجات المستخدمة لاستحمام الطفل ..؟ وشو ملاحظاتج عليها ..؟
بعد الاستحمام .. هل ترطبين جسم الطفل ..؟
اذا نعم .. بالكريم او بالزيت ..؟
أستعمل شامبو سيبا ميد، والحين صابون مم نسيت اسمه بس ما حبيت صابون سيبا ميد
تقريبا يوميا أسبحها،، مرات يمكن يوم في الأسبوع ما أسبحها وأكون صدق تعبانة في هاليوم..
وعادة العصر بعد ما أخلص الغدا
الظاهر الموضوع ما عيب حد غيرج يا ملاك ..
مب مشكلة ..
انا عندي بنوتة وعمرها 5 شهور الله يحفظها ..
ارضعها طبيعي .. ومن نص الثالث دخلت لها صناعي مساعد ..
اللي أقل من 9 شهور .. تأكلينه/تأكلينها ؟؟هيه بديت أأكلها من نهاية الرابع تقريبا ..
وشو هو الأكل .. ؟ هل هو فريش ولا معلبات .. ؟
لين الحين بس تقريبا 4 مرات كلت .. مره جزر مسلوق ومهروس ..
مرة جزر وكوسا مسلوق ومهروس
ومرة عيش مهروس ..
ومرتين عطيتها فواكه مهروسة معلبة ماركة هيب ..
طبعا احس لازم فترة تتم على نفس النوع .. مب كل يوم شي غير .. بس شو اسوي مب انا اللي اعطيها اكل .. ..
يدتها كل يوم تسوي شي .. واستحي اقول لها لا تعطينها جيه وعطيها جيه بحكم اني اشتغل ..
شو تطور البيبي ..؟ ينجلب؟ يزحف ..؟
يمشي .. ؟
الحين تحاول تنجلب شوي .. بس يبالها شوي تثبت ايدها ..
اليهال اللي بدوا يتكلمون .. شو الكلمات اللي بدا يقولها او يقولها حالياً .. ؟
امممم .. مب كلام كلام .. تغاغي .. وتقووول ابببببه ..
شو نظام الرقاد .. ؟
ومتى يبدأ ينتظم رقاد الياهل بحيث انه يرقد طول الليل بدون لا يقوم يرضع .. ؟
هل في طريقة اتبعتيها لتعويد الياهل على انه يرقد بشكل متواصل .. ؟
ومن عمر كم ممكن نتبع هالطريقة ..؟؟
والله لين الحين مافي انتظام ..
بس احاول اخليها ترقد 11 ونص او 12 .. واذا قبل بعد زين ..
وماعندي فكرة كيف انظم رقادها
التهاب الحفاضات .. في اي عمر يقل او متى يختفي ..؟
شو احسن حل للتخلص من التهاب الحفاضات .. ؟
ماعرف متى يقل ..
بس اخليها ساعات بدون البامبرز تتهوى شوي ..
واحط لها سودو كريم
التطعيم ..
شو هي الطريقة اللي تستخدمينها لتخفيف الألم
وتقليل أعراض الحمى .. ؟
آخر مرة جربت .. عطيتها أدول قبل لا نسير العيادة ..
وبعد ما رجعنا حطيت لها طبقة رقيقة من الفكس وكمادات ماي دافية ..
أمراض الطفل ..
شو اللي مر به طفلج ..؟
مغص وغازات ؟
زكام ؟ كحه ؟
التهاب الأذن ؟
طفح جلدي .. حساسية .. اكزيما ..؟
وشو الحل اللي اتبعتيه واستفدتي .. ؟؟
مرينا بالمغص والطفح والحساسية والزكام والحمدلله على كل حال
للغازات جربت انفاكول وبوناسان .. بس حسيت دنتينوكس احسن .. مادري والله ..
للزكام .. قطرات الملح والبخار .. ولكن المسكينة بعدها تعاني ..
النظافة والاستحمام ..
شو تستخدمين لتنظيف الطفل عند تغيير الحفاظ ..؟ وايبس او بالماء ؟
اذا وايبس اي نوع .. وشو ملاحظاتج ..؟
اذا بالماي .. هل دائماً تستخدمينه ..؟ وشو ملاحظاتج .. ؟
هل تركين الطفل بدون حفاظ يتهوى ..؟ اذا نعم .. كم المدة في اليوم ..؟
أحياناً بالماي وأحياناً بالوايبس ..
جربت وايبس سيباميد الزيتي .. اكثر شي ناسب بنتي ..
الوايبس المائي يسبب لها التهاب .. وطبعا الماي احسن شي ..
واخليها تتهوى بين فترة وفترة مش دايما ..
هل يستحم الطفل يوميا .. او كل كم يوم ..؟
شو المنتجات المستخدمة لاستحمام الطفل ..؟ وشو ملاحظاتج عليها ..؟
بعد الاستحمام .. هل ترطبين جسم الطفل ..؟
اذا نعم .. بالكريم او بالزيت ..؟
تقريبا اسبحها يوميا المسا قبل لا ترقد وساعات عقب المغرب ،،
استخدم موستيلا .. واحسه زين مناسبنها الحمدلله ،،
بعد الاستحمام افرك جسمها بكريم او فازلين بيبي جونسن مع لوشن ..