وابيكم تفيدوني بالأماكن ألي تستاهل الزيارة في دبي – لكن ولا عليكم أمر تعطوني الاماكن حسب قربها من الفندق لاني أبي ارتب رحلتي حسب الاماكن الاقرب ثم الاقرب من مقر اقامتي
على فكره مدة اقامتي في دبي 4 ايام
واختيااار موفق حبوبه لان المنطقه والاجواء هناك عجيييييييييييييييييييييييييييبه ..
الفندق مكانه في جميرا .. وطبعا هناك وايد اشياء عدالج فيها حديقه الحيوانات .. ميركاتو .. مول الامارات ..وشي مركز كله مطاعم .. ووايد اماكن الصراحه .. ان شاء الله بنات دبي بيفيدونج اكثر او دخلي خريط دبي وشوفي الاماكن اللي تعيبج عشان تزورينها
ان شاء الله سيدات الامارات يدللووونج
اختي الاماكن وايدة في دبي لكن طبعا أغلب الاماكن للتسوق
بسوي لج جدول ان شاء الله يعجبج …
1. اليوم الاول اترومين تنزلين تحت في الفندق و تركبين العبرة القارب الي ايوديج صوب السوق الي في الفندق تتغدين او تتعشين و تتمشين و الجووووو رهيب هناك
.2اليوم الثاني روحي مول الامارات للتسوق و اتغدي فية … مول الامارات يعني انا عندي شيء لازم لان فية كل شيء و في المساء روحي The walk مكان قمة في الرومنسية و رووووعة صراحة .. فية محلاات و مطاعم عبارة عن شارع و فية مجلات و مطاعم … عندهم كوفي شوب اسمة paul الخبز عندهمم رووعة و الاكل بعد و الحلويات ههه كل شيء حلو عندهم .
3.اليوم الثالت اترومين تاجرين سيارة بسائق و اتروحون تتمشون يعني حول دبي و بعدين تختارين مطعم حلو و تتغدين فية .. او اتزورين فندق الاتلانتس فية 30 مطعم و اختاري الي يعجبج .. و عندهم موقع ادخلي و شوفي المطاعم او اتصلي فيهم … المكان حلو و العصر اترومين اتروحين القرية العالمية لانها بعدها مفتوحة …..
4.طبعن هذا اليوم لازم اتروحين تتسوقين فية من الصبح ههه يعني برجمان و مول الامارات دبي مول و غيرهن من المولالالالات …
سامحيني هذا الي على بالي الحين …. و مرحبابج في الامارات
بصراحه انا سكنت في القصر حلو ومرتب
يوفرون ياصات اعتقد كل 3 ساعات من والى الامارات مول…..وفيه بعد هناك سياره تأخذج على الشاطي علشان تزورين برج العرب وهذا لا تطوفيه…
سوق السلام حلو بس كله اجانب…..بس السهره عالبحر شيء ثاني هناك مطعم مغربي او لبناني مشاوي ه وااااااااايد لذيذه وبعدها تمشي بالمركب بس بالليل احسن تشوفين المناظر الفضيعه وبتشوفين المصايف شكلها وايد حلوه
وبالنسبة لسعر الفندق الليلة ب1600 وحجزت عن طلايق عرب لينك