شحالكم ؟؟
ياخواتي انا فيني فوبيا من الابر
فوبيا تشكل عائق فحياتي
بمجرد ما اسمع طاري ابره او تحليل يغمى علي عطوووووول =(
تعبت والله مادري شو الحل
يوم كنت سايره اسجل للجامعه
" كان فرمضان "
خذوا الوزن والطول وكل شي ويا دور الفحص الطبي
لما سمعت انه شي ابره حسيت بدوخه
وقلتلها بدوخ فطيحتني
وقالت خلاص الحين انتي مابدينا معاج بالتحليل وحسيتي بدوخه كيف لو سحبنا الدم
وقالتلي خلاص تعالي اول يوم دوام
بدينا الدوامات فالجامعه
ومارحت
وامس اتصلوبي العياده الجامعيه قالولي تعالي سوي تحليل ولا بنضطر نسويلج باند سنه كامله
ياخواتي والله اني احاتي يوم الاحد لازم اسير ومب عارفه شو اسوي
فيني خوف مب طبيعي
من اسمع طاري الابره بس افقد وعيي
حتى يوم كانت بتضربني الابره لمست ايدي قالت انتي تقصين علينا ولا شو
لان اصلا الي يغمى عليه يكون جسمه بارد
انا ماكان جسمي بارد
انا فيني شي نفسي مش اني انا بيغمى علي صدق
انا فيني فوبيا من الابر
ساعدوني كيف اتخلص من هالشي ؟؟؟
التحليل يوم الاحد
قد ذكرت اني ابا اتعلم علم نفس
اولا عسب اعالج نفسي وبعدين الناس
بخير الحمدلله .. وانتي شخبارج؟
حاولي تتغلبين ع مخاوفج
تذكري مرضى السكري الله يشفيهم مع ابر الانسولين
اقري قرآن فقلبج ولا تطالعين
شوفي فديتج لا تفكرين وااايد ورددي ع نفسج انها ما تعور وحاولي تنسين الخوف ولا اطالعينهاا يوم تجهز الابره وحتى يو تعطيج اياهااا تمي لافه وان شاء الله بتعدي الامور ع خير فديتج..
انا ادري انه ها شي نفسي
وعلاجه عند طبيب نفسي
بس ودي اعالجه الحين وانا فالبيت
تحليلي بالاحد والله يعيني =(
سويتي شراتي لما يكون عندي فحص الف ويهي ومول ما فكر أشوف الابره او وهم يسحبون الدم لأني أخاف فااتم لافه ويهي وهي وتفتح الابره وتسحب دم مول مااطلع مول جي بتحسين الخوف اقل لإنج ماتشوفين شي
وايدات يربطون الخوف بالمرض النفسي وتقريبا هذا
حال اغلب البنات انهن يخافن من الابر، بس مب لدرجه
انه شي نفسي ويحتاج طبيب نفسي، ف النهايه الا هي
ابره، حاولي تلتهين بأي شي وقت سحب الدم ولا اطالعين
ابد صوب الادوات او الممرضه اللي تسحب الدم، وخلي
حد يكون موجود وياج وتسولفين وياهم وثواني تكونين
مخلصه . .