في التاسع ولين الحين ما ربت شو اسووي؟؟؟ 2024.

السلام عليكم خواتي

اختي حامل وهي بكر وفي الاسبوع الاخير من التاسع ولين الحين ما ربت وهي تحس بالام في البطن والظهر وتعبانه واايد مسكينة، وينزل منها دم خفيف ويوم سارت المستشفى قالوا مفتوح بس 1 سم والماي الي حول الجنين ناقص وقالولها ردي البيت .. واذا ما ربت لين اخرالاسبوع بيسون لها طلق صناعي وهي خايفة وايد
شو هي الاشياء الي تساعد عن فتح الرحم ووشو لازم تسووي عشان تربي طبيعي ؟؟؟

وجزاكم الله خير وفي ميزان حسناتكم ان شاء الله

شرب كف مريم على الريق..
طريقته: تغسل الكمية بمقدرا كف اليد وتنقعه بالليل وثاني يوم تغليه مع منقوعه وتشربه على الريق واتم تشرب اليوم كله منه..
تمشي كثيييييييييييييييييييييييييييييييييييييييييييييييي ييييير..
تقعد جلسة القرفصاء في ماء حار لفترة ساعة مرة أو مرتين باليوم..
وتكون مع زوجها لأنه هالشي يساعدها أكثر بتسريع الولادة..
والله ييسر عليها يا رب..

لا تستعيلون بتربي انشاء الله باجر باذن الله انا كنت مثلها والدكاتر ادرى بحالتها

اختي أنا بالبجر اتأخرت 10 أيام و عادي والحمد لله طلعت البنت بخير ..

وبصراحة كلت ثووووووم وااايد … كنت أحطيه مع الروب أو الخبز
الثوم وما أدراكم ما الثوم

الله يقومها بالسلامه
البكر دوم تتاخر يعني يمضي الشهر التاسع كله
خلها تدعي وتستغفر
احسن شي المشي ولو انه متعب باخر التاسع بس ما عليه
كله احسن من الطلق الصناعي
والاناناس وايد مفيد بحالتها عن تجربه
الله يقومها بالسلامة

اختي انا سمعت وحده مجربه ,, تقول تشربين حبة البركه تغلينها وتحلينها بملعقتين عسل
او تغلين بابونج مع حبة البركه واااااايد زين يفتح الرحم ويزيد الطلق ويسهل الولاده,,

الله يسهل عليها ويسر امرها يارب ,,

المشي المشي المشي المشي