ما اعرف شو الي يصيرلي .. فيه واحد اشوفه كل ما اطلع .. اول مره شفته فيه كان الصفا الي فيه العين .. وما حطيت في بالي .. بس يعني الي لفت انتباهي له انه طووويل .. ولابس كندوره عربيه .. وهو شكله مب عربي .. يعني انجليزي .. المهم يوم الجمعه شفته في حديقة العامه كانت حفلة ربيعتي متخرجه من ثانويه عامه ومسويه العيد ميلاد هناك .. ويوم شفته تذكرت قلت هذا شفته بصفا امس بس هالمره كان لابس بنطلون وقميص .. وبعد يعني الشي الغريب انه يطالعني بنظرات .. امس شفته بس كنت مع ابوي يوم سرت البنك السحب فلوس وابوي قال بنسير كارفور شوي نشتري اغراض قلتله اوكي شفته هناك وطبعا خفت خفت خفت قلت هذا الريال يلاحقني لا بعد يلاحقني ولا كيف يعني ثلاث ايام على هالحال .. المهم هذا الشخص وقف ابوي وكلمه وانا طبعا ما اعرف انجليزي بس ابوي يعرف بس سال ابويه وقاله انه اهو يدور على بيت بالايجار في العين لانه هو ساكن حاليا بفندق .. كان عايش في دبي .. وقال انه اهو لاقى الامان في العين وايد مستنانس بوجوده في العين .. وسال ابوي اذا يعرف مسجد النور الي عند تقنية العين .. ابويه قاله مسلم ولا تريد تسلم قاله انا مسلم الحمدلله .. واهلي كلهم مسلمين وعمري27 سنه وانا من النييورك.. وطبعا هنيه هو وابويه قاعدين يسالفون ويتحاورون فوق عشر دقايق واخذ رقم ابويه لانه بعد ابويه دوم يسير هناك مسجد النور .. طبعا انا ما قلت لابويه اني اشوفه صارلي ثلاث ايام .. بس يا بنات فهموني شو السبب .. الستغربت احس انه يراقبني ولا يمكن صدفه ما ادري .. بس وايد افكر في الموضوع .. انا ما اعرف هالانسان ولا عمري شفته .. بس شي غريب الي يصير
وها السالفه دايما تصيرلنا نشوف نفس الاشخاص في اماكن مختلفه عادي حبيبتي 
عادي اتصير خاصة لو بتلفين في المدينة و الشخص الثاني نفس الشيء يلف في المدينة
انا اذكر مرة في الشارجه كنا كل يوم في الشارجه و كل يوم اشوف لج واحد في سيارة
نفس السيارة و الشخص ، يوميا ، لكن عادي لا اتفكرين وااايد ، هي مجرد صدفة
يمكن معجب فيج ويبا يخطبج .. وكان يراقبج عشان يعرف عنج .. وخذ رقم أبوج عشان هالموضوع
الصراحه إختي واضحه
بس انتي طنشي هالسالفه واذا تكرر وشفتيه وشافج فهالايام يعني اكييد فيه شي
والله يستر هههههه
وبس