وعقب ماكملت سنتين بالضبط طلعت حامل والحمدلله..
اكيد بتقولون شو المشكله الحين..
انا بقوللكم..
انا ولدت قيصري من 6 شهور ونص تقريبا يعني عمر ولدي 6 شهور ونص..
ومن عقب القيصري ب4شهور ركبت لولب لأني كنت اخاف احمل وانا والده قيصري ومابا اولد على طول قيصري..
فقلت بخليها فتره بين البيبي الأول والبيبي الثاني عشان ان شاء الله اولد عقب طبيعي..
المهم.. مع اني قلت انا ما احمل بسرعه وليش اركب لولب وهالسوالف بس بعد ركبت احتياط وعند دكتوره ثقة في عياده خاصه..
وشاء الله ان احمل على اللولب.. انصدمممممممممممت ماتتخيلون كيف..
اشوف الدوره متأخره وانا ارجع وارجع كل يوم الصبح وارقد واايد.. واتريا الدوره كنت اتوقع تأخيرها بسبب اللولب..
لأني من شهرين ركبت اللولب وكانت الدوره متلخبطه تي نفس الوقت بس اطول وايد تقريبا 14 يوم بس عالخفيف يعني ماتنزل وايد..
بس عقبها دق في راسي اسوي تحليل حمل بس جي لعب اوونه.. وانصدمت بس الحمدلله..
عالعموم..
انا والله مب ضايجه عشاني حامل.. لاااا.. الحمدلله اراده الله فوق كل شي.. ويمكن الله رايدنه خير لنا.. والحمدلله
بس اللي خايفه منه.. اللوووولب..
قالولي الدكاتره احتمال كبير اول ماتشلينه ايطيح معاه الياهل.. او ايصير نزيف.. مب اكيد بس احتمال كبير.. عشان جي خفت وماشليته بس افكر اشله يوم السبت او اليوم مادري.. 
الحين ابا اعرف يعني لازم اولد قيصري..؟؟ علما بأني لين الحين مرات احس بألم مكان العمليه..
ثاني شي شو اسوي عشان اللولب..؟؟
ثالث شي متى ايبين كيس الحمل.. لأنه الدكتوره اتقول ماتشوف كيس الحمل.. واخاف حمل خارج الرحم خااايفه…
وأخيرا.. ابا اعرف انا في اي اسبوع ومتى ايبان كيس الحمل.. علما بأن آخر دوره 6-10-2007
واذا حد صارله مثلي او اي شي مقارب الله يجزيكم خير لا تبخلون بأي معلومه وريحوني..
فلا تخافين توكلي على الله والله بيسر لج ويسهل عليج ……
وعليج باتمر وااااااااايد أن شاءالله بيسهل الولاده..
وانشاءالله الله يتمملك على خير
ورحت اجيك عليه وقالت الدكتوره فيه حمل ولازم نشيل اللولب وشالته
ممكن تخبريني اي دكتوره ركبتي عندها
انا عياده خاصه ودكتوره معروفه ,,,,,,,,,,
المشاركة الأصلية كتبت بواسطة مون لايت 
ورحت اجيك عليه وقالت الدكتوره فيه حمل ولازم نشيل اللولب وشالته
ممكن تخبريني اي دكتوره ركبتي عندها
انا عياده خاصه ودكتوره معروفه ,,,,,,,,,,
انا مركبتنه عند الدكتوره اوراس.. انتي وين ركبتيه؟؟
ويوم شلوه شو حسيتي؟. حسيتي بألم ولا عادي؟؟ ونزل دم ولا شي ؟؟ ابا اعرف ابا ارتاااح..