اليوم ….. عملت كيكة الكراميل ….. او اللي بسموها البعض قدرة قادر ….
وحبيت اشاركم فيها … هووون بالمنتدى …
وان شاء الله تجربوها وتعجبكم
هاي اول صوره ونقوووول بسم الله …
ملاحظه خواتي … (( طبقة الكراميل انا بارادتي قللتها يعني خليتها طبقه رقيقه لاني بحبها خفيفه بس بالمقادير بتكون اسمك من هيك ))
ما تنسي تشغلي الفرن على 180 ليسخن قبل ما تبدي الشغل
رح ابدا بالمقادير …
نص كوب سكر …. تحرقيه على النار ليصير لونه بني …. وانا استخدمت الكراميل اللي بيجي مع علبة الكريم كراميل وخلطت معه السكر المحروق ….
بتصبيه على الصينيه وبتمسحي فيه كل قاعدة صينيه الفرن …. وبتتركيها على جنب .gif "12 (95)")
هلأ الطبقه الثانيه اللي هي الكريم كراميل …..
مقاديرها ….
بيضتين
ثلاث أرباع كوب سكر
ملعقة فانيليا
كوب ونص حليب بودرة
2 كوب ماء
((((( تخلط كل المقادير في الخلاط ويصب بهدوووووء على طبقة الكراميل .gif "12 (54)")
)))))
الطبقه الثالثه …. واللي هي طبقة الكيكه اخر طبقه .gif "12 (74)")
مقاديرها ….
بيضتين
كوب وربع طحين
نص كوب زيت
ملعقة فانيليا
ملعقة ونص بيكنج بودر
نص كوب حليب سائل
ملعقتين كاكاو بودرة
ثلاث أرباع كوب سكر
بالبدايه يا حبوبات .gif "12 (73)")
…
بنستخدم الخفاقه …. وبنخفق البيض مع الفانيلا والسكر …ليصير الخليط ممزوج
وبعدها بنضيف الزيت والحليب السائل …..
واخر خطوه بنضيف الطحين والكاكاو والبيكينج باودر
((( وبنضيفهم على خليط الكريم كراميل بهدوء … وحاولي توزعي الخليط وانت بتصبيه بهدوء ما توزعيه بالمعلقه .gif "12 (33)")
وانت بتصبي فقط وزعيه )))
بتحطي صينية الكيك حمام مائي يعني صينيه اكبر منها وبداخل الصينيه الكبيره مااااي
وبتحطيها بالفرن وخففي النار على 160 وخليها ساعه تقريبا في الفرن
وشيكي عليها بالسكين اذا استوت او لا …
طلعيها من الفرن.. وانتظريها الى ان تبرد ….. واقلبيها
وشوفي النتيجه
رح تنفصل الكراميل عن الكيك بهاي الطريقه
وهاي كمان صوره لعيونكم
وبالعافيه على قلوبكم ….
لا احلل النقل بدون ذكر المصدر
شكلها لذيذ
تسلم الأيادي