مشكلتي طويله تقدرون تقولون بسنين زواجي 21 سنه الحياة مرت مابين هم ودموع اهانات تجريح تعرفون هذاك الاحساس اللي يشربك القهر مرت السنين على هالحال مع محاوله مني بالامل يمكن هالزوج يعتدل بيوم من الايام لما يكبرون العيال العيال كبروا ولازال الحال كما هو عليه التحكم وفرض السيطره عدم الاحترام والمعاير وفي الرايحه والراده سيري بيت اهلج
تعبت والهم كأنه جبل على صدري اخر نقاش حاد بينا قال شي كنت اتوهم انه مسونه لي بحكم العشره طلع علشان ما يكون فلان احسن منه المهم عايرني انه سفرني للعلاج وبعد قال سيري بيت ابوج كل مره اسكت حتى لما مد ايده من سنين واهلي ما سوا لي شي سلبيين دافعت عن نفسي صرت اواجهه لكن خلاص وصلت لحد بغضه لا نتكلم ولا ناكل على سفره ولا غيره
صارحني ولدي الكبير انه ابوه اتصل به وكان يبغيه يوديني لاهلي وقاله انه لا هو يباني ولا انا اباه
المفروض عقب ما يوصلني هالكلام استحي على كرامتي واطلع لكن بلعتها كالعاده بس في القلب ضيق وهم وتعب مايعلم به الا الله كلمت اخوي الكبير وهو الوحيد اللي نلجأ له ابوي سلبي ويخاف
قال اختي تبين الطلاق حقج وعيالج كبار دام كرهتيه خلاص
اكبر عيالي بالكليه ويشتغل واصغرهم روضه
وبنتي تقول امي لا تفكرين فينا شوفي حياتج ما بنلومج نحن نعرف مأساتج
انا عزمت وأسال الله أيسر لي أمري واتطلق وارتاح منه ومن عيشه هم وعدم احترام
انا متوقعه ابوي وخواتي شو بيقولون (بالمناسبه عندي ثنتين مطلقات وكان بعد يعايرني يقول انهم مطلقات ) للاسف هو ولد خالتي
لاني ما اشتغل ولا عندي شهاده بس والله ويشهد ربي اني وصلت حدي
دعواتكم خواتي
وان شاء الله عيالج يعوضوووونج خير يااااااااارب!!!
الله يوفقج وايسر امورج يارب
والطلاق ما نهايه الحياه
الطلاق والله والله كاس مر مر ما يحس بطعمه إلا اللي جربه عندج بيتج عيالج خليه لا تسألين عنه بس تطلبين الطلاق لا لا لا خليج ع ذمته وقوليله ما تبينا سر وأنا يالسة في بيتي
خويتي الطلاق مب حل
وخلج ساكنه بالبيت يبا يطلق بكيفه بس البيت من حقج مايجوز يطلعج والله يفرج عنج يارب