– يكون شهر الصحة والرياضة.
– ننقص فيه أكبر قدر من الدهون (مايهمنا الكيلوات نبى نتخلص من الدهون).
– نكون فيه خفاف وهذا بالاعتدال في الاكل.
– نكثر من العبادة والصلاة والدعاء لله بالصحة والعافية.
– نلبس هالعيد الى خاطرنا فيه ونزيد من ثقتنا وحبنا لأنفسنا.
كل جمعة فري كلي الأخضر واليابس عسب تكسرين النظام
حبيت بعد اضيف نصايح أختي "غلا نفسي" لأن هي صاحبة فكرة الملاعق والتخفيف
وهي اقتراحاتها في نقاط:
– أفضل تستخدمون الصحن المجزء مع الملاعق يعني خواتي في الصحن المجزء تحطين حبتين سمبوسه حبتين لقيمات وملعقتين هريس +ثلاث ملاعق فريد هذا يوم واليوم الثاني العكس ملعقتين عيش ثلاث ملاعق معكرونه بهذي الطريقه انتي نوعتي وعطيتي نفسج حقها …….
– الجمعه هو اليوم المفتوح لج لا رياضه ولا رجيم عشان نكسر النظام ونصدم الجسم اشوي.
– بخصوص الرياضه اختاري قبل الفطور بساعه اي نظام رياضي يكون مريح لج كل يوم غيري مثلا يوم مشي يوم تمارين بطن عشان نحرق اشوي قبل الفطور بس الرياضه الاساسيه تكون بعد صلاة التراويح مشي ساعه او ايربك بس بذل مجهود.
– بخصوص السحور انا انصح بملة عيش ابيض او اسمر بس من دون ملح مع روب قليل الدسم لانه يبرد على المعده وياخذ العيش وقت لين يتهضم وفي اليوم الثاني مانتعب او نشعر بجوع حتى الشوفان اوكي لسحور.
السالفة يبغي لها غض بصر عن سفرة الفطور <<
لو في مجال ابغي اشارك وياكم :
الوزن: 65
الطول: 158
خاطري اضعف اهئئ
وصدقوني تخيلوا الصحن معدتكم
لو حطيتي هالتصور في بالج بتتقبلين الفكرة
بس أهم شي مانترس الصحن لأنه معدتنا ومانباها تتعب وتخزن الدهون
وان شاء الله نخف ونحن بصحه وسلامه
الخفيف+ الرياضه مهمه + شاي اخضر او اي شي مساعد للهضم
غالي عليه
بدوية والنعم
دلوعة
غلا نفسي
ام حسون
شوكو لايت
وينكم بنات