شحالكم خواتي..
حبيت اقولكم قصة اجهاضي .. واللي هو ثاني اجهاض
عرفت اني حامل وبنتي عمرها تسعة شهور المهم تميت افكر كيف وبنتي صغيرة
المهم
جان يستوي لي نزيف عقب ماعرفت باسبوع سرت عيادة سني .. نسيت اسم الدكتورة المهم هي الهندية اللي تلبس نظارة.. وفحصتني بالسونار الداخلي وقالت لي في كيس بس مافي جنين وحتى ماكان في نبض.. وقالت انتي 90% عقيتي الياهل وانا كنت عارفة اني عاقة لانها مب اول مرة.. المهم عطتني موعد اليوم الثاني .. وسوت لي تحليل دم ( عاد هني الغباء) ويوم سرت قالت ماما انتي بعدج حامل وانا بعطيج ابر تثبيت (خفت يوم قالت لي ابر تثبيت) كيف تقولين بعدج حامل وانتي امس قلتي لي انج 90% سقطي الجنين.. عطتني موعد حق التثبيت بس انا طنشت وماسرت..
عقب شهر بالضبط .. (وعاد انا في هالشهر اتوحم ولوعة وسوالف الحمل).. المهم نزل علي دم كان شوي .. وكل ماياه يزيد.. وكنت مدوخة ماروم اوقف كله طايحة ع الشبرية.. المهم وااااايد كان ينزل مع كتل لحم .. عاد ماقدرت اتصلت في ريلي .. والله ياخواتي ماقص عليكم كان شلال من الدماء ماتتخيلون كيف.. وحتى يوم ريلي دخل علي الحمام خاف .. الحمام كله دم جنه جاتلين حد فيه.. سرت القاسمي عقب .. ورقدوني وحطو علي جلوكوز وسوالف عشان ينزل كل الوسخ واليوم الثاني الصبح سوت لي سونار عسب اتعرف اذا استوى نزيف ولا بعده والحمدالله ماكان يحتاي اني اسوي تنظيف..
المهم عقب الدكتورة تمت تسالني جان اقولها سالفة عيادة سني .. تخيلو شو قالت اول شي طبعا عصبت وقالت شو هالدكتورة الغبية حد يسوي تحليل دم حق وحدة عاقة .. اصلا شي طبيعي التحليل بيطلع ايجابي لان المعروف بان اللي تجهض اتم شهر ليما ينظف بيت الرحم تقريبا وهرمونات الحمل تكون عالية.. فحتى لو سوت تحليل الحمل بيطلع لها موجب لان هرموناتها عالية.. فعشان جي اقولكم هاييج الدكتورة غبية.. كيف دكتورة وماتعرف هاي المعلومة..
الله يستر
وتستاهلين السلامه اختي
وربي يعوض عليج ان شاء الله
الله يستر علينا من اشكال الدكتورات ديل مفتكرين الناس حقل تجارب
حمد الله علي سلامتك والله يعوضك ان شاء الله
والله يعوضج خييير ان شاااء الله،،،
الله لا يحطنا تحت ايدين الدكاترة،، والله ينخاف منهم الصراحة…