قصة المخيم بختصار 2024.

السلام عليكم ورحمه الله وبركاته..

ببدى بالموضوع على طووول ..

في اول يوم العيد الاضحى قررنا نحن عيلتنا وعيلة خالتي اهل ريلي انه نروح لمخيم فعزبه (طبعا انا مالجه )

ورحت مع ريلي وخواتي وكنا ضحك وسوالف بس انا طبعا بحدود لانه مب حلو يشوفني ريلي مخترشه وحالتي حاله يعني اشارك فالفعاليات بشي على خفيف

اول ما وصلنا نصبنا الخيام وفوسط المخيم يبنا حط وشعلنا النار المووووهيم انا مب النوع اللي مندمجه مع اخوانه بس ويا خواته

وكل واحد من اخووانه يكلمني ارد عليه على قد السؤال واسكت يعني صايره رسميه وايد واذا احد يكلمني اطالع تحت وارد عليه

هنيه الحدث حسيت فالمخيم ريلي صااااير وايد مع خواتي الصغار اللي اعمارهن 18 وو15 وضحك ومصخر خليته على راحته بس ما رضالي

وما حبيت اعامله بالمثل وعدى اليوم الاول ويانا اليوم الثاني حسيته نفس الشي يوم يكون عندي يكون هادي ويسولف بحدود وفيه نوع من البرستييج هههههههه

الموووهيم في مره كنا نلعب ورقه وكنت انا واختي الكبيره اللي هي تصير مرت اخو ريلي يعني اخوه نسيبي كنت انا ونسيبي رباعه هو المفروض اذا يبي يتخالف ضدي يكون مع اختي الكبيره

اهو شو سوى تحالف مع اختي الصغيره ومشيتها له ويوم كنا نلعب يتحلف لي المووهم فزنا انا واختي الكبيره واخووه اللي هو نسيبي وقعدت اعيب عليه عصب شوي قالوا نسبي واختي ما بيلعبون قلت لهم انا بعد ما بلعب

قال لي بتلعبين وغصبن عنج قلت له ما بلعب انا كنت اسولف قالي زين زين روحي منه هنيه اذا ما تبي تلعبين تخيلوووووووووووووووو قال لي هالكلمه جدام اخوانه وخواته وخواتي ابتسمت وقلت له اوكيه

هووو فهم من حركتي انا (يعني ما عليه انا براويك )رحت الخيمه وقعدت اصيح وما تعشيت وما طلعت منها

وهو يتصل وانا ما ارد عليه ياني عند الخيمه يناديني طلعت له قلت له نعم قال لي شو فيج قلت له تعبانه بنام كانت الساعه 8 راح يابلي عشا مد ايده عشان اخذ العشا ما رضيت وسكرت باب الخيمه …

طبعا خليت اختي الصغيره تراقبه وتيب لي الاخبار اللي عمرها 15 وقالت لي هو مب موجود وياهم فالخيمه قاعد بروحه ..شوي ياني مسج اطلعي ابغي اتفاهم وياج قلت له ما بينا تفاهم وما بطلع

ياني عند الخيمه وطلعت وياه رحنا ورى الخيام قال لي شو فيج قعدت اصيححح وهو يهدي فيني بس انا مب راضيه ارضى واقول له رجعني البيت انا ما ابيك من هالكلام ..الخ

بعدين سكتت بعد ما خلصت تنكر دموع قال لي شو فيج قلت له انا ما ارضى انك تتمصخر مع خواتي عينك عينك ومطيح الميانه وياهم انت ترضى اطيح الميانه مع اخوانك انا اساسا ما ارضاها لنفسي

قال لي هذول خواتي قبل ما يكونون بنات خالتي وانا والله ما فكرت فوحده غيرج وانتي تعرفين هالشي
بس انا قلت له هذول فسن مراهقه وعادي يفتكرون بشي غير اللي انت فبالك ..

قلت له انا اغار وما ابيك اطيح الميانه وااايد معاهم و كل شي وبحدود ..

ابغي بس اسأل هذا اللي انا سويته صح والا خطأ واذا وحده منكم صار لها هالموقف كيف بتواجهه

المووهيم من بعد هذاك اليوم احس ما يسولف وياهم ولا شي بس بأشياء خفيفه وهم لاحضواا هالشي

اممممم وبس والسموحه لو طولت عليكم ..

في اعتقادي صح اللي سويتيه .. واهم شي انج صارحتيه عن اللي فخاطرج ..

وما دام هو بدا يغير اسلوبه مع خواتج .. هذا معناته انه حس بغلطته ..

والله يوفقج ويسعدج معاه ..

حبيبتي اللي سويتيه عادي خاصة في فترة الملجة ,انت الحين فيج حب التملك خاصة لهذا اللي ملك قلبج وحبيتيه .وانت اتقارنين تصرفاتج بتصرفاته اهني ايي الغلط اتذكري انه ريال وله طريقته في التعامل مع الغير ,دايما الريال ايعامل خوات حرمته بها الطريقة فيها وايد مجاملات كل هذا حتى يكسبج وايطري اليلسة !!!!!!!!!!!!اخذي الامور ببساطة بعدين بتملين منه ………..ههههههههههه

هلا اختي اللي سويتيه صح وعين العقل بس بعد لازم خواتج يحشمن عمارهن مهب زين عليهن

يعني لو نسبهن مفروض هن اللي مايمصخنها وايد ,,,, وثرا محد مثل الحمي فانتبهي وياما

ناس ودروا حريمهم عشان خواتهن ,,,,,, وتحياتي

ممممممم .. والله مادري .. دام ان خوااتج بنات خاالته .. احس ان عاادي اذا يسوولف ويضحك ويااهن لان هوو مب ريال غريب .. وبعدين هذيل خوااتج يعني مستحيل يفكرن في شي من صوب ريل اختهن حتى ولو مراهقاات .. اممممممم والله مادري بس الله يعيننج اذ امن خواتج تغاارين .. خخخخخخخخ اسوولف ويااج .. بس نصيحتي مب على اي شي تصيحين وتكبرين الموضوع .. حلوو التفاهم .. يعني كل ما لاحظتي شي عليه .. تتصلين فيه وتتفاهمين احسن .. الله يوفقج ويتمم لج على خير يااربي ..

زين سويتي
ترى الشيطان شاطر
والله ايوفقكم ياربي
ولو انا منج بعد برمس خواتي
وبفهمهم ان هالشي مايوز
وتبين الصراحه انا حسيت
وايد عندكم خلط
لو عيال خال او عم
مب محارم وما ايوز

طمنيني الله يطمن قلبج انا تحريت بهالطريقه قاعده اضغط عليه فأشياء ..

والله يسعدج حبيبتي..