السلام عليكم و رحمة الله و بركاته
فيه حريم التبويض يكون عندهم تمام و كل فحوصاتهم و فحوصات ازواجهم سليمه
و الحرمه اتحس انها خلاص بتحمل او حامل او عندها شعور قوي انها حامل (شي في داخلها او تغيرات في جسمها تحسسها انها حامل)
بس تتفاجأ بالدورة الشهريه انها تنزل او تتاخر كمن يوم و تنزل عليها
و مرات تسوي فحص بعد تاخر الدوره و يطلع موجب خفيف و بعدين تنزل الدوره.
و هالشي يتكرر مرات و مرات مع وايد حريم يتمنن الحمل
حبيت اشرح لكم حالة طبيه يمكن ما جد مرت عليكم بس اللي يقرن كتب طبيه اجنبيه و مواقع اكيد مرة عليها هالمعلومه
انتن تعرفن انه من اليوم ال 14 من الدوره و حتى موعدها الياي بطانة الرحم تثخن و تهيأ عمرها عشان تستقبل البويضه الملقحه و عشان جيه نحسب من يوم التبويض للدوره اليايه 14 يوم (تقريبا) او تتراوح بين ال 10 ايام ل 17 يوم (يعني من يوم التبويض للدوره التاليه كل حرمه تختلف عندها المده حسب طول دورتها) في هالفتره تثخن بطانه الرحم بسبب هرمون البروجيسترون
بس فيه حريم ما تثخن عندهم بطانه الرحم عندهم قصور في مرحلة اللوتيل (المرحله الرابعه من الدوره) Luteal phase defect
اي وحده الفرقيه بين يوم الاباضه لين يوم الدوره اقل من 10 ايام معناته تعاني من قصور مرحلة اللوتيل.
ما يحدث حمل على الرغم من تلقح البويضه لانها ما عندها بطانه سميكه تمسكها
مرات يصير الحمل و البطانه تمسك البويضه بس ما تكون قويه كفايه فيستوي الاجهاض (الحمل الضعيف) ها صار لي في حملي الاول اللي اجهضته
يمكن وايد منكن فيهن هالشي و ما يعرفن و الدكاتره ما يشرحون لانه سالفه طويله و معقده
قصور مرحلة اللوتيل معناته الحرمه من اليوم 14 من دورتها لين موعد دورتها اليايه لازم تاخذ ادويه تحوي البروجيسترون مثل الدوفاستون مثلا عشان تعوض النقص اللي ينتجه الجسم و تساعد انه البطانه تثخن عشان تمسك البويضه.
حاولت اشرح لكم قد ماقدر و كل وحده تسال دكتورتها و تشوف
انا يوم خبرت دكتورتي استغربت و قالت لي كيف عرفتي قلتلها من القرايه في الكتب و المنتديات الاجنبيه…و قالت لي انتي من الحريم اللي اذا يبن يحملن لازم يراجعن مع دكتوره لمتابعة التغيرات خلال الدورة الشهريه…
بس احنا هنيه مافي وعي كامل بهالحاله لانه الدكاتره بكل بساطه ما يعطون المريضه المجال انها تسال و تستفسر ولا يعطونا صورة واضحه عن حالتنا.
المهم
العلاج باذن الله سهل مع قصور مرحلة اللوتيل عن طريق ادوية البروجيسترون بس بشرط انه يكون تبويض الحرمه سليم
و عشان تعرفين اذا فيج قصور مرحلة اللوتيل تسوين فحص دم في اليوم السابع بعد التوبيض يشوفون مستويات البروجيسترون اذا مناسبه انها تكون البطانه السميكه ولا لا.
ان شاء الله معلوماتي تفيدكم و سبحان الله يمكن تكون هاي حالتج و انتي ما تدرين…فشيكي مع الدكتوره
و الله يرزق كل محرومه الحمل السليم يا رب
يزاج الله خير على مواضيعج الحلوه والمفيده
مشكووووره غناتي عالتوضيح,,,
عندي فكره عن هالموضوع لأني يوم حملت في أول حمل عطوني الدوفاستون ,, بس شرحج وضحلي كل شي بالتفصيل ,,,,,
عندي فكره عن هالموضوع لأني يوم حملت في أول حمل عطوني الدوفاستون ,, بس شرحج وضحلي كل شي بالتفصيل ,,,,,
يسلموووووووو غناتي,,,
سلمتي ع التوضيح
:
سبَحآن الْلَّه وَبِحَمْدِه سُبْحَآن الْلَّه الْعَظِيْم
:
للرفع
المشاركة الأصلية كتبت بواسطة ضيفة شرف 
يزاج الله خير على مواضيعج الحلوه والمفيده
مشكوره حبيبتي ربي يرزقج عاجلا غير جل يا رب
المشاركة الأصلية كتبت بواسطة بـدو الخويـره مشكووووره غناتي عالتوضيح,,,
عندي فكره عن هالموضوع لأني يوم حملت في أول حمل عطوني الدوفاستون ,, بس شرحج وضحلي كل شي بالتفصيل ,,,,,
عندي فكره عن هالموضوع لأني يوم حملت في أول حمل عطوني الدوفاستون ,, بس شرحج وضحلي كل شي بالتفصيل ,,,,,
يسلموووووووو غناتي,,,
مشكوره اختي على توضيح تجربتج
المشاركة الأصلية كتبت بواسطة الفراشهـ سلمتي ع التوضيح
:
سبَحآن الْلَّه وَبِحَمْدِه سُبْحَآن الْلَّه الْعَظِيْم
:
للرفع
مشكوره على المرور اختي
ماشاء الله
يزااج الله خيير بميزاان حسنااتج ان شا الله,,
الله يرزقنا الحمل القريب ياارب