كل صباح بشوفج أستبشر
بالفرح والخير يا أمّي
بالفرح والخير يا أمّي
بالحنان وبالدفا أشعر
طول ما انتي دايماً يمّي
انتي شلتيني تسعة أشهر
ثم حملتي خوفي وهمّي
كم رعيتيني وأنا صغيّر
كم سجد صدرج على حلمي
يا وفا باليوف له أنطر
فرحةٍ ترقى ولا تظمي
يا حنانٍ جاد بي أكثر
انرسم في صوتي وإسمي
يا جسد شايل غصن يثمر
وينها من لا تبي فهمي
السفر للكون ما يزهر
غير رقّه بالحشا تنمي
لو يجي يومي أقوم أذكر
بسمه اشتاقت فضا رسمي
ما يطيب الصبح لو أسفر
دون قبلة راس تنضمّي
يا غلاي اللّي به أتأمّر
هان أمرٍ منج لو دمّي
يا سماي اللي عطاء تنثر
ازهرت روحي ندى عزمي
كل صباح بشوفج أستبشر
بالفرح والخير يا أمّي
شعر: حسين خميس آل علي
صح لساااانك .. وربي يحفظهااا ويطوووووول بعمرهاااا .. ونترياا اليديد ..
سلمت اناملك
المشاركة الأصلية كتبت بواسطة الفقيرة 
صح لساااانك .. وربي يحفظهااا ويطوووووول بعمرهاااا .. ونترياا اليديد ..
تسلمين الفقيرة
مشكورة على مرورج
مشكوره
المشاركة الأصلية كتبت بواسطة مونتاج سلمت اناملك
تسلمين مونتاج
مشكورة على مرورج
المشاركة الأصلية كتبت بواسطة قارورة العسل مشكوره
تسلمين قارورة العسل
مشكورة على مرورج