هذه قصيده مهداه الى
صاحب السمو الشيخ حمد بن محمد الشرقي
عضو المجلس الاعلى للاتحاد .. حاكم الفجيره .. حفظه الله
والى سمو الشيخ محمد بن حمد الشرقي .. ولي عهده الامين
راعي بطولة السيف
والى كل المتنافسين في هذه البطوله
(( وطبــعا هالقصيده فخـــر لكل قبيلــه الشحـــوح كبيرنا وصغيرنا الله يديمك ياراشــد ))
بعنوان ][ بطولة السيف ][
بطولة السيف يسلم كف راعيها
والسيف يفخر بمن حبه ومن شله
هذا محمد اخويه وكل ما فيها
للسيف دايم ولليولات متوله
بطولةٍ في الفجيره شاع طاريها
وميدانها نور والعربان تندله
هي صورة العز تسعد قلب لافيها
والعز دايم هل الطولات ما تمله
هذا محمد هناوي الاصل مبديها
صورة هل الشرق مثل الشمس لمطله
هو بن حمد ينور الدنيا ويضويها
شيخٍ في قلبه جمع حب العرب كله
اخوي يرفع الاوادم ما يوطيها
يسعد محبين عاشو بخير في ظله
وهو ولد حاكم حكم داره وكاسيها
بالحب والحكم في عهده على حله
واشحوحنا فيه تتسامى معانيها
هم له بني عم تفخر فيه وتجله
واهل المحبه هناويه مباديها
تكرم هل الطيب والميثاق ما تخله
حي الشحوح الكرام وحي طاريها
اللي لجلهم نسنّ الحب ونحله
وخوالنا البوفلاسه من يضاهيها
اللي اذا يجف ريق العالم تبله
شيخان بالود تتجلى مواريها
واحنا لهم عون يوم الناس مختله
والبوفلاح الكرام اللي بساميها
تتناول النجم بالافعال واتّله
بالحزم واللين ماحدٍ يباريها
اسيوف حقٍ على الظلام منسله
الارض تهنا اذا شمت اثاريها
مثل المزون الكنيفه وخيرها تهله
نحنا شيوخ الوفا والله مهنّيها
بشعوب تدنو لنيل الفخر وتشله
شعـر// الشيخ راشد بن حمد الشرقي