بنات والله نفسيتي زفت زفت بسبب اللي صار لشعري
سويت له فرد انا بنفسي والنتيجة زينة من ناحية النعومة بس مجرد ما امسكه يطييييييح
والأدددددددهى والأمر ان جزء من شعري طاااااااااااااح يعني صرت قرعه في هالجزء
والجزء اللي انقرع مو بسيط يمكن ثلث مقدمة رأسي بس اغطيه بباقي القصه
والله اني يوم شفت الفراغ الكبييييييييييير هذا بكييييييييييييييت وانا في الحمام مو مصدقة
حسيت اني انهرت ماااااااشي شعر ،، جزء مووووووو بسيط
اللي بيقرا كلامي بيتوقع اني أبالغ خوفا على شكلي بس والله والله شكل ما تتخيلونه ولا راويته احد غير امي والله كانت بتبكي يوم شافته
وبكيت اكثر ودعيت ان الله لا يبتلينا بالسرطانات والكيماوي وانه يعافي كل مبتلي ياااااااارب العالمين
ما تتخيلون كيف النفسية مع اني أدري أن الشعر بيطلع من جديد بإذن الله فكيف نفسيات اللي يتعالجون بالكيماوي وهم ما يدرون لين متى بيتعالجون .. الله يعافيهم ولا يبتلينا
بنات مشكلتي ألحين ان عندنا عرس بعد فترة اقل من شهر كيف بسوي تسريحة على هالشعر والمشكلة انه المقدمة!!!!!!!!!!
قريت فتوى لابن عثيمين انه يجوز الباروكة لتغطية الصلع بسبب الكيماوي بس انا جزء من شعري اللي طلع ومو مرتاحة للباروكة لأني الحمدلله بصحتي واللي طلع جزء مو كل..
بغيت اسألكن هل اسوي خصلات شعر مكان الفراغ الكبير هذا ؟ يعني اللي يسون تسريحات هل يسون هالحركة مكان الفراغ اللي مثل هذا؟
قريت ان بوردة تنحط مكان الفراغ بس قبل التسريحة ولا بعدها
ووين احصل بودرة توبيك؟
المهم خواتي اللي عندها حل تقوللي وادعولي والله خايفة ان باقي شعري بعد يطيح ونفسيتي عدددددددم
وتسلمن مقدما
عالجي شعرج بالزيوت وحمامات الزيت بشكل مستمر علشان تردله حيويته ويرد الشعر ينمو
وعن العرس والشعر المستعار ماروم افتي !
وانا بعد فاردة شعري من كم يوم متخبلة ع النتيجة انه ناعم بس غامضني شعري الأطراف محترقة والمواد كيماوية لاسمح الله تضرنا ولا شي
احسن مانلعب بشعرنا والله
السموحة طولت
الحين انتي تعالجينه؟؟ واذا طلع لج شعر خبريني شو سويتي .. ترى انا مشكلتي ما يطلع الشعر ابد.. والله يشفينا ويشفى مرضى المسلمين
با بنات كم نصحتكم لا تستخدمو هالفرد كم مره نصحتكم
انا سويت الفرد من 4 سنوات ولين الحينه في اثر ..شعري طاح وتلعوزت وايد
وبديت كل مره اقصه واقصه واقصه لين الحمدلله افتكيت منه..نفسيتج بتكون زفت وتنتدمين وايد
خلاص انسو الفرد وسو دليت من قاموسكم وقاموس اي شخص يبا يستخدمه
والله يهديهم اللي يبيعونه عالناس..
سيري عند الدكتورة صبحية اللي في عيادة ابن النفيس ممتازة
اربيعتي طاح كل شعرها وصار على الزيرو والحين تبارك الرحمن احلى واغلظ من اول