ماحب الشغل ابدا ولا قدمت اي مكان لاني احب يلسة البيت والراحة بصراحة
ومرات لما اطلع برا البيت اشتاق لاهلي بس متحسفة على شهادتي
لكن ماعندي اي طموح ولا افكر بالانجازات حتى لما اسمع عن ربيعاتي انصدم ماشاء الله اغلبهم اشتغلوا وجي
احلى شي عندي الرقاد يمكن لاني تعودت عليه وقلة طلعاتي من ايام الدراسة وجي
المهم كل ما افكر اطرش السي في مكان ارجع عن الموضوع اقول يعني كل يوم بطلع وكل يوم بسوي وجي
على فكرة كملت سنتين بعد ماتخرجت احس اني متعودة على هالوضعية ..
انطلقووووووا 
بصراحة مش عارفة اقول لك اية
بس اول مرة اشوف كدة
بس الحلو انك صريحة مع نفسك وفاهمة
و طالما بدأتي تقولين صديقاتي سوت و اشتغلت و انجزت يعني فكرة الشغل و الطموح بدأت تتحرك فيكي
و احس لو بداتي بعمل تطوعي او تدريب او تجارة فلبيت تقدري تعودي نفسك على الالتزام بعمل معين بالتدريج و بعدها قرري بتستمرين في فكرة الدوام و الشغل ولا لا
انا عارفة ان هالشي غريب عليكم وهالشي الي خلاني ما اسال حد خوفا من اني احرج نفسي .. بيقولون شو هاي كسولة ماعندها هدف شو اسوي احب اليلسة .. ومشكورة
اختى اذا لم يكن لنا اى شى نعمله او هدف فى الحياه شو يعنى انا عايشين
الحياه مش بس نوم واكل بس العمل حتى لو تعملى بالبيت بخليكى تحسي انك موجودة والك قيمه بالحياه هذا من الناحيه النفسيه
اما من الناحيه الدينيه فانتى مسؤوله امام الله عن عمرك
رَوى ابنُ حِبَّانَ والترمذيُّ في جامِعِه أنَّ رسولَ الله صلى الله عليه وسلم قالَ: "لا تزولُ قَدَمَا عبدٍ يومَ القيامةِ حتَّى يُسألَ عن أربعٍ عَن عُمُرِه فيما أفناهُ وعن جسدِهِ فيما أبلاهُ وعن عِلمِهِ ماذا عَمِلَ فيهِ وعن مالِهِ مِنْ أَيْنَ اكْتَسَبَهُ وفيما أنفقَهُ "
اتوكلى على الله واستعيذى دائما وابدا من الكسل بالدعء المعروف
اللهم انى اعوذبك من الهم والحزن والعجز والكسل والبخل والجبن وغلبة الدين وقهر الرجال
وعند الاستيقاظ كل يوم نقول اللهم انى اعوذ بك من الكسل
العمر يا اختي بيمشى واليوم الى انتي فيه نعمه لن تعود اغتنمى صحتك وشبابك والله يوفقك
على فكرة كلنا نحب الراحه والاكل والنوم بس الحياه عمل وتلاقى الحياه بتحلى بالعمل والنشاط
انزين حبيبتي في شو اصرفه يعني بالهم والتحسر ؟ ترا اول فترة اكتئبت لان ماياني نصيب وتحسفت لاني ضيعت وقتي بهالشي
الحمدلله على كل حال ) انا مرتاحة بس مادري في نفس الوقت مو مرتاحة
وما اقدر اخبر حد بسالفتي لان ربيعاتي ماشاء الله وصلن اماكن وظيفية وجي ..
لو العمر بيمضي بيمضي علينا كلنا شو نسوي ..
المشاركة الأصلية كتبت بواسطة ماسه حساسه 
انزين حبيبتي في شو اصرفه يعني بالهم والتحسر ؟ ترا اول فترة اكتئبت لان ماياني نصيب وتحسفت لاني ضيعت وقتي بهالشي ..
الحمدلله على كل حال ) انا مرتاحة بس مادري في نفس الوقت مو مرتاحة
وما اقدر اخبر حد بسالفتي لان ربيعاتي ماشاء الله وصلن اماكن وظيفية وجي .. لو العمر بيمضي بيمضي علينا كلنا شو نسوي ..
الغاليه مش انتى معك شهاده قدمى على وظيفه
وترا البنت نصيبها بيجيها فى اى وقت واى عمر يعني الله يوفقك بالعمل والنصيب ان شا الله بيجي الك ولبناتي ولكل بنات المسلمين اللهم آمين
بس احس ان الشغل ماله فايدة ماعرف ليش؟ انا بصراحة صرت حذرة ابي ابتعد عن الاشياء الي تسبب لي قلق
ابي اعرف شو خطتكم للحياة؟ يعني شو لازم نسوي انا مو فارقة معاي ..