ببدا بسرعه باللي استوالي
مديرنا اللي هو السي اوه يعني المدير التنفيذي العود
طرشتلي سكرتيرته وهي انجليزيه ايميل عن المظيفات وصورهن وخرابيط
اونه لازم يختار وحده منهن وجي
عقب قالتلي ان شفتي الدكتور ………….. اللي هو مديرنا خله يختار وحده منهن
انا استغربت قلت شو هالهبل يختار وحده منهن ليش
وعاد الصور عافانا الله جنهن بنات شوارع هب مضيفات
المهم انا قلت ليش هي يعني قالتلي انا اقوله
ليش هي ما تقوله هب سكرتيرته والا عالفاضي
عقب قلت يمكن مشغوله والا شي
زين انا بغبائي يلست اترياه الين يا
ربعت عنده وقلتله دكتور…. ممكن تختار وحده من هالمضيفات
هو بطل عيونه يوم شاف الصور وقال شو هااااااااا
قلتله مضيفات
قال مضيفات شو
قلتله حق الايفنت
قال انا الي اختار
جنه هب عايبنه
قلت ماعرف فلانه سكرتيرتك
قالتلي عطي دكتور……… وخله يختار
وتم معصب يناديها يا فلانه يافلانه
انا شكيت في عمري قلت شووووووووووو سووووووووووووويت
دخل عندها وانا شردت
وشوي يزقرني وكانوا وياه يمكن 10 رياييل
تمت سكرتيرته جالبه ويهها
هو تم يتطنز ويقول علي اونها ياتتني فرحانه
وتقولي اختار وحده منهن (( انا هني حسيت بالاهانه))
وهم يضحكون عايبتنهم لمصخره
انا تميت مقهوره
وقلتله والله رايك يهمنا
جان ترد عليا سكرتيرته وقالتلي وهي جالبه ويهها
اوكي ثانكس واسمي
روحت عنهم وهم يضحكون
وانا بموووووت من القهر
تميت ماده البوز شبرين
انا استاهل اصلا ما بسوي شغل هب شغلي
مره ثانيه بقولها
سوري هاذا هب شغلي وانا ما بسويه<< جذابه
والله اني وااااايد متضايقه من الي استوالي
صدق قمة الاحراج
حسيت عمريه حماره باذنين
شو رايكم في الموقف المحرج
في ذمتكم شو بتسوون لو كنتن مكاني
هل هالشي مش لازم يصير ولا الغلط اني انا قلت لك اياه ولا شو ابغي اعرف لاني حسيت نفسي في الموقف غلط
لازم تفهمين الموضوع ويردلج اعتبارج
وما عنديه ثقه في نفسيه بعد
اشك في عمري سيده
بس يمكن مع الوقت بتعلم اكون قويه
بالعكس المفروظ ماتنقهرين من المدير لانه لو انتى كنتى في مكانه بسوين شراته
وانسى اللى صار ولا عليج من حد عيشى حياتج ترى الدنيا ماتسوى