كاااارثة غلاء الأسعار 2024.

بسم الله الرحمن الرحيم

حبيت تشاركوني بأرائكم في مشكلة غلاء الأسعار

الأسعااااار الي صارت ضو ونار ولين متى بيتم الغلا في الأسعار وشو هي أهداف الغلا وهل بنقدر نعيش مع هذا الغلا في السنوات القادمه

اتمنى انه نخلي الموضوع شيق بتعليقاتكم ولكم مني جزيل الشكر والاحترام

أنا الصراحة لاعت جبدي من السوق وقمت ما أطلع!!!
صارت تيني ضيقة من الأسعار..بس لين متى؟
معقولة ما في حل!!!!
مقاطعة وقاطعنا..بدائل وحطينا واخرتها!!!

الله يكون في العون إن شاء الله

تصدقون سرت ذاك اليوم الفلاح بلازا استام حليب الرينبو قالي 163 استغربتقلت بالجمعيه على 155 قلت ماعليه سرت الصفا قالي 158 قلت لا لازن اسير الكارفور سرت عاد هنييييييي الصدمه يوم سالته وقلت له على كم جان يقولي على 168 قلت معقوله الناس تشتكي من الجميعه والجمعيه ارخص شي قلت جنه الجمعيه مادرت جان اسير وتلاحق بعمري واخذ كرتونييييييين قبل الجمعيه ماتزيد بسعرها يعني ماشي رقابه على الاسعار شو السااالفه ليي متى بيتمون يزيدون بالاسعار هالتجار ما خلو شي لنا يوم نسالهم يقولون الشركه والشركه منو ماسكنها غير هالتار الله يسامحهم ويهديهم بس

شو نقول غير حسبي الله ونعم الوكيل

(الله يمحق تجارتهم) هالتجار الحراميه

وحد يصب ماي بارد على المسؤولين عشان ينشون من رقادهم..

احنا نشتري شعير حق الدياي اللي عندنا ويوم زاد سعر الشعير سألت صاحب الدكان ليش انت بعد مغلي الشعير .. قال مب مني السبب المورد .. قلتله منو اللي يورد لكم الشعير .. الصدمه يوم خبرني اسمه طلع حد من كبار التجار المواطينين (ما أدري صدق ولاجذب) .. لكن لو طلع هو اللي زايد اقوله ،، ليش الله يهداك انت مب محتاج تزيد على الناس الا هو شعير .. والخير ماشاء الله عندك وايد وتبرعاتك بالملايين حق حملة العطاء!!؟؟ ..

الله يرحمنا و أنا أخاف يتمون يزيدون لين نبطل نشتري و نرد على زمن أول يوم كان الناس يشترون الضروري أما نحن مسخناها نشتري اللي نبغيه و اللي ما نبغيه من تشي طمعوا فينا التجارو إذا لاحظتو الزيادة سايرة فالأشياء المطلوبة أكثر و في أشياء لا
تخيلون داك اليوم فكارفور متعودة أشتري أكياس لحفظ الطعام عادية كنت أخذها على 5 فجأة صارت ب 8 كيف 3 مرة واحدة يعني لو كل غرض نشتريه زاد درهمين و حسبوها كم زيادة على مصروف الشهر