اليوم اقدم لكم
كبسة الدجاج بالباميه طبخه سهله و لذييييذه حتى الصغار بتعجبهم و يأكلوها بدون نقاش
عيالي ما يحبو الباميه لكن في الكبسه ما شاء الله عليهم
ان شاء الله تعجبكم
المقادير
دجاجه كامله – انا عملت دجاجه انتي حسب ما تحبي
رز (عيش ) : اربعه اكواب
ماي : ثمان اكواب ( كل كوب عيش كوبين ماي
ثوم : 8 فصوص انا ما اعد بس احب احط كثييييير هو الي يخلي طعمها حلو
بصله صغيره
طماطم صغيره او نص كبيره
الباميه : مجمده شركة العين رهيييبه اعملي عشوائي ممكن كوب او اقل
بطاطا :اثنين
ملح نصف ملعقه مع الدجاج و هو يتسبك و ملعقه لما اضيف الرز انا احب الملح انتي ذوقي و شوفي الي يناسبك و ما تانسي ان مكعب الدجاج فيه ملح فحاسبي
مكعبات مرق الدجاج : حبه واحده افضل العلايلي
لو في مو تو : لو مافي مو ضروري
كاري : مهم افضل شركة ديلي فرش تحصليها في دبي
البهارات : ورق غار + هيل صحيح +قرفه +مسمار (قرنفل) + قرفه +لومي (ليمون جاف) +موتو +مكعب الدجاج+ملح
الطريقه :
اكون مغسلة الدجاج و مقطعاه قطعته ست قطع انتي على كيفك
و مجهزة الطماط و البطاط
و هذه بهاراتي
اسمحولي صورت من نص الشغل جت فكرة اني اصورها و انزلها و انا باشتغل
فقطعت البصل و حطيته على الصحن و شغلت عليه النار علي و اضفت الباميه طبعاً مثل ما هي مجمده و حركتهم شوي و اضفت الثوم
و ضفت البهارات :
ورق غار + هيل صحيح +قرفه +مسمار (قرنفل) + قرفه +لومي (ليمون جاف) +موتو +مكعب الدجاج+ملح
على نار عليه برضو لما اشوف انه الثوم اتسبك مع البصل و الباميه و بدت تطلع ريحه حلوه ظلي عنده لا يحرق
دخلت الدجاج بعد ما تسبكت الباميه و الثوم و البصل و خليتهم يتحشوشو ( يتسبكو ) على نار عليه عشان تاخذ الطعم
بعد ما تسبكو مع الدجاج با ضيف الطماط و البطاط و اقلبهم شوي و ما زالت النار عليه مده بسيطه ما اخليه ينشف كثير و ما اضيف ماي ابد لانها بتنزل ماي من نفسها و الطنجره مسكره
بعدين اغلق على الطنجره و اهدي النار على الاخر و اخلي الدجاج و البطاط و المكونات يستوو نص استو و يتسبكو
في هذه الوقت اغلي ماي لحاله ثمان اكواب ماي في الطنجره الحمرا
و ابل (انقع ) الرز 4 اكواب من الرز في الماي مثل ما موضح في الصوره الصحن البنفسجي
الخطوه الجايه افتح الطنجره ريحتها واووووووووووووووو روعه
اصفي الرز الي بليته من الماي و اضيفه للمكونات ادمجهم مع بعض كذا
الماي الي غليته اضيفه للطبخه و لا انسى اذوق الملح و اضيف حسب الي يناسبني ملعقه او نص
اسكر الطنجره و اخلي النار على العالي ثواني لما اشوف انها بتغلي و بعدين اهدي على الاخر وانتظرها لما تستوي بتستوي بسرعه يعني لا تنسيها و تروحي لا تحرق .ههههههه
و هذا الطبق جاهز حاسبي تاكلي صوابعج و راها هههههههه
ولا اروع ولا الذ منها
تقدم مع زحاوق ( شتني – دقوس ) طماطم و فص ثوم و قرن فلفل او نص +كمون + كبزرة جافه +ملح
او قدميها مع شطه حاره
او مع خيار وزبادي
المشاركة الأصلية كتبت بواسطة صاحبة السمو85 
تسلمي لي يالغاليه مشكوره على الرد الحلو هذا
صوم مقبول و ذنب مغفور ان شاء الله
الطريقه وااايد سهله
حنااااام بطني يصوصوووووو
خخخخخخ
الله يعطيج العافيه وبجربهااا ان شا الله
بس ممكن اعزم عمرري عندكم اليوووم
المشاركة الأصلية كتبت بواسطة بـقـايا حـلمـ الطريقه وااايد سهله
حنااااام بطني يصوصوووووو
خخخخخخ
الله يعطيج العافيه وبجربهااا ان شا الله
بس ممكن اعزم عمرري عندكم اليوووم
هلا بش و مرحبا فوق العين و الراس
الحقي قبل ما تبرد
مرورك اسعدني
روووعه