يبت لكم طريقة جدا سهلة و لذيذة لكيكة البرتقال و ممكن تسونها كيكة
كبيرة او كب كيكات
طريقة كيكة البرتقال الكب كيك اللي اول امس سويت
3 بيضات
3 الا ربع كاس سكر
نص كاس زيت
كاس عصير برتقال فريش
ملعقة كبيرة بكينغ بودر
نصف ملعقة صغيرة فانيليا
2 كاس طحين
مبشور برتقالة وحده
نضرب البيض و السكر عدل مدل لين ما لونه يتغير و يميل الى بياض
نضيف الزيت و العصير و مبشور البرتقال و نخلطهم مع بعض
عقب نشخل الطحين و البكنغ بودر بالمشخلة
و نخلط الكل على الخفيف
بالملعقة و على جهة وحده عسب الكيكة عقب تنتفخ
عقب ما تحطون الطحين ممنوع تخلطون الخلطة وايد لان الكيكة ما بتنتفخ
عقب حطوهم بالورق مال الكاب كيك و غطوه بصينية
او فوطة 10 دقايق
عسب تنتفخ و بنفس الوقت مسخنين الفرن 10 دقايق
هالحركة عسب تنتفخ اكثر و مرة سالت حلويات قيصر
خبروني و قالوا هالسر لانتفاخ الكيك 
طريقة الكريمة
ويبينغ كريم
تحطين عليها 3-4 ملاعق سكر بودر
و تضربينهم بالخلاط الكهربايي اليدوي لغاية
تنتفخ و تتماسك عدل مدل
عقب تقسمينهم بالملات و تحطين نقطه صبغ طعام و تخلطينهم
شوفوا هالرابط ماشاءالله روووعه هالطريقة الصحيحة
لعمل الكريمة و جربتها و فعلا ناجحة ..
الاخت شوكولا تبارك الله رهيبة بهالسوالف
https://forum.uaewomen.net/showthread.php?t=797387
و عافية على قلوبكم
ممكن اخذ وحدة واغايض فيها بنات اليوميات < هههههه نذالة
تسلم ايدج