كرهت الخميره وريحتها 2024.

السلام عليكم

اشحالكن بنات؟

فديتكن عندي مشكله ويا العيينه

كل ما ابا اسوي فطاير او بيتزا و هالسوالف من المعجنات تطلع مب حلوه

يعني العيينه تتخمر.. بس يوم اسويها يكون فيها ريحة و طعم الخميره

يعني يوم اكل الفطيره احس جني اكل الخميره خاليه

بخبركن في طريقتي فالعيينه

اول شي اخلط النواشف ويا بعض ( ملعقة خميره + فنيان سكر + رشة ملح + 3 او 4 خواشيق نيدو)

عقب اكسر عليهن بيضه و اخلطهم عدل لين تتشكل عيينه

عقب اصب عليهم نص كوب زيت و اخلط عدل

عقب ابدا اضيف طحين شوي شوي مع الخلط لين يتجانس الخليط

و اخليه لين يتخمر

شرايكن؟ شو سبب الريحة والطعم الكريه؟

شوفي الغالية شي طريقة نحن نسويها فالمعجنات اول شي ييبي الخميرة وذوبيها فكوب حليب والغي النيدو وخليها فترة عقب ضيفيها على باقي النواشف بتخوز اثارها كلياً من العجينة وحتى طعمها ما بيبين عندج جربيها وادعيلي …

لو فوريه مايحتاي اتحطينها في ماي ولا شي عااادي اخلطيه ويا الطحيييين

ولاتخلينها تخمر وايد يعني ساعتين كفااايه لانها فووريه

جربي طريقتي حطي 2 ملعقه خميره فوريه و2 ملعقه شكر وكوب ماي وخلطيهن …بعدين صبيه فوق النواشف وعجني …وغطي العجيينه بألمنيوم وخبجي الالمنيوم بسكيين عشان العجينه تتخمر وخلييه في الثلاجه وبعد ساعه ونص أو ساعتيين سوي الاكله …وأنشالله الخمييره ما بتشمييها ….ادعييلي

شو نوع الخميرة اللي تستخدمينها لا يكون اللي عليها صورة طباخ…..؟؟؟

ترى هاي اتعس نوع خميره جربته و كله اطلع ريحه…..و كم مده تخلين العجينه تختمر ؟؟

هييه هو نفسه

و اتم اجيك عليه من اشوفه يتخمر ابطله

ان شاء الله يفيدنج البنااااات