كل المربيات أجو المساعدة 2024.

مرحبا حريم .. شحالكن ؟

طبعا أنا Still آنسة بس بغيت أطلب طلب صغير من الأمهات ..

حرمة أخوي إن شاء الله بتربي بالسلامة عقبت تقريبا شهرين ..

ونبى نسويلها ترتيبات .. غرفة المستشفى + ترتيبات غرفة النوم

+ ترتيبات المجالس لاستقبال الضيوف .. إلخ .. طلعا اذا في ترتيبات يديدة

خبروني بها .. لاني ماعرف ..

عطوني افكار كيف رتبتوا لعماركم ؟؟؟؟

تحيتي

إذا تحبونها صدق حالوا تبدرون وحده تنام معها في الغرفة عشان تاخذ بالها من البيبي… الوحده لما تولد ما تقدر في بعض الأحيان أنها تقعد وتاكل… فبتكون محتاجه حد يأكلها… وإن راحت الحمام عشان تستحم تحتاج حد يقعد مع البيبي شوي إلين ما تخلص… و تحتاج حد يغير للبيبي الحفاظ ويسبحه… وإن بغت تنام شوي تحتاج حد ياخذ باله من البيبي إلين ما تقوم من النوم.
بالنسبة لغرفة المستشفى تحتاج الأم حد ينظفها لها (الأرضية والحمام تكرمون والشراشف).

بالنسبة لترتيبات الضيوف تحتاج حد يقوم بخدمتهم بما أنها راح تكون منهكه من الولادة… يعني حد يقهويهم ويقرب لهم الفواكه والحلويات ويدخنهم إن أمكن.

جنة أمل .. عزيزتي .. تسلميييييييين انتي اللي رديتي من 14 زيارة تسلمين والله …

كل الا قتراحات محلولة ومجهزينها .. بنبات عندها وعندها بشكارتها للتنظيف والترتيب ..

بس نبى افكار للتقديم والضيافة … افكاار يديدة .. وابتكارية ..

بليز ردوا علييييييه انتي شو سويتن كيف رتبتن للولادة ؟