![Salam Allah خليجية](images/smilies/salam_allah.gif)
اليوم يايه خلاص بنفجر من حركات زووووووجي واسلوبه زووووجي يعاملني مثل اليهال لو الصبح نش وشاف ولدي يصيح يوعان يدقني ويقولي قومي طلعي برع انتي وولدج ولو ماقمت بسرعه يبدا تهديداته
بتشوفين بحول تلفوني صامت ومابرد على المندوب وبحرجج معاهم عشان يعرفني انحرج لو مارديت على المندوب لان بتفشل عند البنت واظطر ان انش واقوله اوكي بطلع واطلع يقول ماتيين الا ابالعين
الحمرا واطوفها له .. وادري اني رظطخت له عشان مانحرج مع البنت
الموقف الثاني
لان انا مطوله اظافري للعيد اليوم قالي بتقصين اظافرج رضيتي والا مارضيتي قلت له حبيبي بقصها باجر فالليل مب مشكله خلني اعيد فيها وامانه بقصها خلني اكشخ فيها لان بحط مناكير وراوته ايدي بالمناكير كيف شكلها بالاظافر وفي ظفر قصير وراويته كيف تطلع المناكير مب حلوه عشان اقنعه ومن داخلي معصبه بس ساكته قال
بتشوفين ماعليه قصيتي ماقصيتي مايهمني بس والله بتندمين
قلت له بدينا بحركات اليهال جان على القريه خلاص ماباها قال احسن اصلا مابوديج وبروح ويى ربعي
وعلى حد علمج خلااااص انا رفضت تشتغلين وكلمي الدوام انج مابتتشغلين ومايقبلوج
كل هذا عشان مناكير؟؟ حركاته حركات يهال احين شو يخص الدوام بالمناكير؟؟ماسويت له سالفه وقعدت على النت وسكتت عنه
تخيلو يبى يحرجني باي طريقه جدام المديره واحين رفض الشغل بعد ماكان موافق
الموقف الثالث
لو سويت اي شي مايعيبه حتى لو مثلا قالي سكري الباب ومانشيت سكرته بسرعه يقول بتندمين وبتندمين ويبدا الموال
ويقولي خلاص الطلعه الفلانيه مابطلعج خخخخخخخخخخخ والله اضحك من مه راسي
المشكله احين كله اقوله اوكي واكي وانا مابى اعلمه على هالشي ولازم اقوله اوكي عشان مايحرجني مع الناس
يكون موافق ولو يصير شي يقول ماتروحين لهم كيف اودي ويهي من الناس؟؟؟؟؟؟؟
انا تعبت من اسلوبه وابى حل كيف اخليه يبطل هالحركات
احس مالي شخصيه كل ماقوله اوكي واوكي ويعرف يذلني
كيف اتعامل علما ان شخصيته شماليه واعتقد غربيي
الحل ويى هالشكل او النوع من الازواج ؟لان شي لايطاق صراحه اذا على كل كلمه يهدد سد نفسي
ماكلمه وباجر عيد برايه خله حركاته تنفعه مب كانه ريال بالثلاثين من عمره
اتمنى ان اعضاء منتدى سيدات الامارات ينفعونج لاني ما عندي ذاك الخبرة اللي يمكن يفيدج.
هو مب لانه مثلا عسب المنكير عصب و قال ماشئ طلعه او غيرها
بل خلاه المنكير حجه كي يعصب و يقول ما بوديج المكان الفلاني
لانه ما يقدر بدون سبب يقول ما بوديج او لا تسيرين
او لا تشتغلين او ما اعرف شو
يعني تسكير البيبان .. تشلين ولدج اول ما يقول .. منكير …و غيرهم
حجج لا غير …
ما اعرف بشو انصحج لانني اعرف عدل هالنوعيه من الرجال …
هه اتذكر كنت مؤاخذة تذكرة و جاهزة اسافر اروح عند اخوي كان يدرس برع
و كنت مطوله على صوت المسجل فرحانه شو اسوي
الا ابوي يطلع من غرفته مععععععصب ليش مطوله على المسجل خلاص ماشئ سفر!
قص عليه اعطاني بيزات و كنسل السفرة ليومنا ما نسيت لووووول
و غيره .. كل واحد باسلوبه يتعب الحريم ..
خلنا نتريا البنات شو بيقولون
بيقولونلج صبري
هذا زوجج
الصبر مفتاح الفرج
ابلعي همج
تنرفزي بداخلج
بس اسكتي
زوج المصون اسد الغابه محد يعارضه!!!
انا ما بي انصحج بشئ
لانني بنصحج بشئ البنات ما بيعجبهم
بس بقولج هالنوعيه من الرجال كل ما قلتيلهم سمع و طاعه يتمادون
اللي عليج لما يقول مثلا لانج ما سكرتي الباب ما شئ روحه القريه بروح مع ربعي
قولي والله فكرة راااااااائعه عيل ماشئ الا اتصل على اهلي انا بعد اروح معاهم
دام انت بتنشغل مع ربعك قولي و انتي تبتسمين وعاديه كوووووووووووول
مب مثل وحده بوحده ! لالالالالالالالالالالالا
و ان قال دام حاطه منكير ماشئ تعيدين
قولي والله ابرك لانني بهالحاله بزكر اهلي عندي
و ان اهلك قالوا ليش ما عيدتي علينا بقول ولدكم قال ما اطلع من البيت …
( مجرد تهديد لا غير )
بس بالنسبه لتطويل الاظافر اكثر عن 40 يوم مكروه
يسويهااا 00واسلوبه اسلوب صغاااريه الصرااحه ^^
اذا قاالج ماا بوديج قوليله اوكي بسير مع خوااتي ^_*
حبيبتي جربي اسلوب الحواار معااه 00لااازم يعرف ويفهم ان الحيااة الزوجيه
ماا فيهاا تهديد ووعيد 00بالعكس فيهاا التفااهم والاخذ والعطاااا فديتج
من رااايي ان ريلج محتااااج تثقيف ومعرفه اسلوب الحواار
و حقوق وواجباات الزوج قبل الزوجه ^_^
الله يسخركم لبعض ويسعدكم عنووني
اليوم يوم عرفة ادعي حبي ان شاء الله الله يستجيب دعائك
رد ع اناناسة :تعجبيني اناناسة فديتج والله