طبعا حبيت انتقلت من قسم تأخر الحمل لهالقسم لأني أشوف انها قضية اجتماعية وعائلية أكثر من انها مجرد تأخر حمل
بنات حابه أتناقش وياكم بالهموضوع ،، طبعا ولله الحمد بفضل الله أنا حملت أول ما عرست بس شفت المووووووت تعبت تعب الله العالم فيه ومات الجنين فبطني من المرض وعقب سويت تنظيف
والحين صار لي تقريبا 6 شهووووووور ما حملت مرة يقولون لي مافيج شي مرة تكيس بسيط وكل يوم شي المهم
بنات المجتمع اللي نحنا عايشين فيه ما يرحم أبد أبد ،، أنا راضية ومقتنعه بقسمة ربي وقلت إنه وايد ناس غيري تأخروا سنين وسنين وحملوا عقب وشافوا ضناهم
بس اللي يتعب نفسيا اهو لما خواتج وحمياتج يحملون سنة ورا سنة وما شا الله تبارك الرحمن هذا بفضل الله لهم كل وحده عندها فوق الثلاثة وتحمل وانتي تحاولين كل شهر وماشي فايدة
حتى خواتي يوم يسألوني متى بتحملين ؟؟؟؟؟؟؟؟ اضايق ليش هم ما يحسون انه هالشي بإرادة رب العالمين يعني علشان هم يحملون بسرعة وكل وحدة تركت المانع وحملت على طول يحسسونا انا نحن متأخرااااااااااات
انا ريلي خاطره ووده بس حليله يعرف انه كل شي بارادة الله وأهله بعد بس أخوه يقهرني يوم يسأل ها شي نونو ؟؟؟ ما حملتي؟؟؟ انت شيخصك انزييييييييييييييييييين؟؟؟؟!!!!!!!!!!!
مرة كنا رايحين راك ومسك ريلي يسأله ليش تروحون خلها اونه بتحمل يوم الله بيكتب …… انا انصدمت انت شيخصك وشو دراك نحن رايحيين نتمشا ولا رايحين العيادة شي يقهر صدق
انتوا شو اللي مريتوا فيه ؟؟؟ لاني اعرف انه وايد بنات يعانوا من اللي حواليهم من هالشي واكثر مني بعد
الحمد الله الحمد الله الحمد الله على كل حال
سر السعادة الاقتناع
وأستغفري وأكثري من الدعاء
قهر والله , والحين الله يعيني لان وحدة من الاهل عرست قبل شهرين والحين ما شاء الله حامل وانا صارلي 6 شهور معرسة
الحمدلله على كل شي
واللي يقول اني معرسه من 10 سنين
كل ما اتجابل ويه اي احد يسألوني حامل !!!
و انا ارد اقول لا ما افكر الحين
لان بصراحة لو قلتلهم لا وادعولي و الله كريم
بيسألوني ليش ..؟ و كيف ..؟ و متى ..؟
و انا مالي خلق حق هآي هالاسئلة ..
والمشكلة العويصة
ان كل اللي عرسوا بعدي حملوا وان تأخرت ف الله يعيني
ويرزق كل محرومه ويلطف بحالج حبوبة…
لا تستعيلون وطنشو كلامهم
رزكم على الله
بس حتا انا يوم اشوف ياهل توه مولود يفز قلبي
بس صدقوني الستغفاار كنز ما يعلمه إلا لي مجربنه
والله كريم
انا صارلي معرسه سنه و10 شهور الحمدلله على كل شي ما تعرفو شكثر احب العيال بس نصيب .والحمدلله ريلي وااايد متفهم ويعرف ان كل شي من الله ….. بس مرات من اسمع فلانه حملت اقول بخاطري متى بيكون دوري
وطبعا الكل يسالنى بعدج ما حملتي ……. بس الله يقهرج اكثر يوم اييج حد ويقولنج انتى تدعي فصلاتج؟؟ .. يعني الحين الي متاخره فحمالها مسويه شي بدنيتها والله مب راضي عنها بالعكس هالشي بيزيد من قربنا له سبحانه وهذا اختبار من رب العالمين وتاخير الحمل له حكمه والحمدلله راضيين بقضاء رب العالمين وان شاء الله يرزقني ويرزق كل محرومه الذريه الصالحه ,,,,,, ولازم ما ننسى ان رحمه الله واسعه لا حدود لها بس علينا بالصبر والله بيفرجها