اكتب لكم موضوعي اليوم بعد ما شفت ردود عديييييدة .. صابتني بالاحباط..
الحين لما الوحدة تكون على خلاف مع ريلها ( مب اختها ولا امها ولا اهلها) لا ريلها .. الي يربطهم في بعض كلمة.. يعني بها ينحل رباطهم .. ركزوا على هالنقطه ..
ياما نقرى انه الوحدة متضايجه من ريلها او زعلانه او مقهورة .. عادي مافيها شي كلنا حريم ونزعل من رياييلنا .. مب مشكله ..
المشكلة لو يات الوحدة تفضفض وتكتب مشكلتها .. ينكتب لها الف رد ورد هدااااااااااام ..
يعني هيه اكيد يوم كتبت حالتها النفسية زفت .. وما تزداد .. كيف تزيدونها بردود تعصي قلبها وتقسيه على زوجها ..؟؟
بتقولون ردود ما تأثر ؟؟ لا اتأثر ونص .. حتى لو مافي عصبيه في الكتابه بس ينفهم الاسلوب ترا ..
بدل ما تلينون قلبها على ريلها .. وتخلونها تذكر محاسنه .. اتطيحون سب في الريال ؟
حتى لو هو غلطان .. كيف تسمحون لأنفسكم تغلطون على ريل صاحبه المشكله ؟ اساساً هي مب حرمه لما ترضى تشوف ريلها ينسب من بنات المنتدى .. حتى لو اكبر مشكلجي ..
يعني شي ردود .. طنشيه قولي له مب حقك وقولي له مالك خص وماعرف شو ومن هالكلام …
تفكرون انكم تقوون شخصيتها ؟؟ اللا تكبرون الشرخ الي بينها وبين زوجها .. اصلاً هذي وظيفة الشيطان انه يبعد الزوج عن زوجته .. وانتوا شياطينكم 24 ساعة شغاله لكم ولغيركم؟
اتقوا الله في ردودكم .. حتى لو كرامتكم حرقتكم.. انتبهوا لشو تكتبون .. صح اوقات بعض الحلول تتطلب الطناش والحقران … بس ممكن تكتبونها بأسلوب فيه حل .. مش بس طناش والسلام..
ترا الوحدة يوم اتيي تكتب هني مب شرط تلقى حل يناسبها بس على الاقل تلقى كلام يبرد عليها .. لو هيه مغيضة ودمها فاير .. تهدى وتتذكر محاسن زوجها بكلامكم الطيب ..
مثلاً وحدة ريلها خانها .. شوفوا هالردين ؟؟ (من تأليفي)
1- اخ عليه رياييل ما يملى عينهم اللا التراب .. اتركيه لج كرامتج وخبري اهلج ولا تسكتين له وسبي البنية الي يعرفها .. عاقبيه احرميه منج وطنشيه ……..الخ
2- فاتحيه بهدوء وحاولي تسترجعينه .. دوري على الضعف فيج والغلط .. اسعي انج تحافظين عليه لا تتركينه وتستلمين .. هذا شريك دربج.. الشيطان يبعد بينكم لا تخلينه يهزمكم ……الخ
هذي ردود وارده في المنتدى وايد .. شو رايكم .. لو كل الردود تشابه الرد الاول ؟؟
بتتقبل ريلها وهيه بروحها ما تزداد ؟ وبتسامحه ؟؟ واللا ولعتوها حريقة ؟ وزدتوا فراق من بينهم؟
هذا الي ابا اوصله انتوا يا بنات المنتدى لكم دووور كبير وفعال في اصلاح العلاقات الزوجيه حتى لو انتوا مب خبيرات .. لكن سبحان الله الكلمه الطيبه تهد جبال وتصفي النفوس وتخلي الوحدة منا تسترجع لحظات حلوة مع ريلها تغفر له زلاته وياها .. وتعرف تتصرف بحكمه …
لا تكونون سبب في خراب بيوت.. واتقوا الله اولاً واخيراً ..
وترا انا حرمه حالي حالكم.. لي خلافاتي وزلاتي مثل كل الناس .. لكن بعد 5 سنوات زواج الحمدلله اقدر اوزن الامور 1000 مرة عن قبل .. والي تحتاي مساعدة طيبه تهدي نفسها انا حاظره مب عشان شي ..
لأني مثل ما قلت العلاقة الزوجيه (غير الاولاد والعشرة ) وعلى متانتها ما يربطكم اللا كلمه .. لو انقالت انهدت العلاقة كلها واندمرت ..
بس انتي ترمسين
في جربه مخبوقه…
في بعض العضوات …مالهن اي خبره …ويكتفن باراء هدامه
الله يهديهن
ويهدي بنات المسلمين
مشكوره على الطرح الطيب 
المشاركة الأصلية كتبت بواسطة 3yoOon 
اكتب لكم موضوعي اليوم بعد ما شفت ردود عديييييدة .. صابتني بالاحباط..
الحين لما الوحدة تكون على خلاف مع ريلها ( مب اختها ولا امها ولا اهلها) لا ريلها .. الي يربطهم في بعض كلمة.. يعني بها ينحل رباطهم .. ركزوا على هالنقطه ..
ياما نقرى انه الوحدة متضايجه من ريلها او زعلانه او مقهورة .. عادي مافيها شي كلنا حريم ونزعل من رياييلنا .. مب مشكله ..
المشكلة لو يات الوحدة تفضفض وتكتب مشكلتها .. ينكتب لها الف رد ورد هدااااااااااام ..
يعني هيه اكيد يوم كتبت حالتها النفسية زفت .. وما تزداد .. كيف تزيدونها بردود تعصي قلبها وتقسيه على زوجها ..؟؟
بتقولون ردود ما تأثر ؟؟ لا اتأثر ونص .. حتى لو مافي عصبيه في الكتابه بس ينفهم الاسلوب ترا ..
بدل ما تلينون قلبها على ريلها .. وتخلونها تذكر محاسنه .. اتطيحون سب في الريال ؟
حتى لو هو غلطان .. كيف تسمحون لأنفسكم تغلطون على ريل صاحبه المشكله ؟ اساساً هي مب حرمه لما ترضى تشوف ريلها ينسب من بنات المنتدى .. حتى لو اكبر مشكلجي ..
يعني شي ردود .. طنشيه قولي له مب حقك وقولي له مالك خص وماعرف شو ومن هالكلام …
تفكرون انكم تقوون شخصيتها ؟؟ اللا تكبرون الشرخ الي بينها وبين زوجها .. اصلاً هذي وظيفة الشيطان انه يبعد الزوج عن زوجته .. وانتوا شياطينكم 24 ساعة شغاله لكم ولغيركم؟
اتقوا الله في ردودكم .. حتى لو كرامتكم حرقتكم.. انتبهوا لشو تكتبون .. صح اوقات بعض الحلول تتطلب الطناش والحقران … بس ممكن تكتبونها بأسلوب فيه حل .. مش بس طناش والسلام..
ترا الوحدة يوم اتيي تكتب هني مب شرط تلقى حل يناسبها بس على الاقل تلقى كلام يبرد عليها .. لو هيه مغيضة ودمها فاير .. تهدى وتتذكر محاسن زوجها بكلامكم الطيب ..
مثلاً وحدة ريلها خانها .. شوفوا هالردين ؟؟ (من تأليفي)
1- اخ عليه رياييل ما يملى عينهم اللا التراب .. اتركيه لج كرامتج وخبري اهلج ولا تسكتين له وسبي البنية الي يعرفها .. عاقبيه احرميه منج وطنشيه ……..الخ
2- فاتحيه بهدوء وحاولي تسترجعينه .. دوري على الضعف فيج والغلط .. اسعي انج تحافظين عليه لا تتركينه وتستلمين .. هذا شريك دربج.. الشيطان يبعد بينكم لا تخلينه يهزمكم ……الخ
هذي ردود وارده في المنتدى وايد .. شو رايكم .. لو كل الردود تشابه الرد الاول ؟؟
بتتقبل ريلها وهيه بروحها ما تزداد ؟ وبتسامحه ؟؟ واللا ولعتوها حريقة ؟ وزدتوا فراق من بينهم؟
هذا الي ابا اوصله انتوا يا بنات المنتدى لكم دووور كبير وفعال في اصلاح العلاقات الزوجيه حتى لو انتوا مب خبيرات .. لكن سبحان الله الكلمه الطيبه تهد جبال وتصفي النفوس وتخلي الوحدة منا تسترجع لحظات حلوة مع ريلها تغفر له زلاته وياها .. وتعرف تتصرف بحكمه …
لا تكونون سبب في خراب بيوت.. واتقوا الله اولاً واخيراً ..
وترا انا حرمه حالي حالكم.. لي خلافاتي وزلاتي مثل كل الناس .. لكن بعد 5 سنوات زواج الحمدلله اقدر اوزن الامور 1000 مرة عن قبل .. والي تحتاي مساعدة طيبه تهدي نفسها انا حاظره مب عشان شي ..
لأني مثل ما قلت العلاقة الزوجيه (غير الاولاد والعشرة ) وعلى متانتها ما يربطكم اللا كلمه .. لو انقالت انهدت العلاقة كلها واندمرت ..
صح لسانج خيتي ماشاء الله عليج مدرسه ولازم نتعلم ومعاج حق فعلا في عضوات هدامات في ردودهن ومشكوره على موضوعك الراقي………..
ومشكوره
تسلمين والله
انا كتبت ريلي مريض و طاحو فيه و هذا جذاب و هذا و هذا !!
الله يسامحهن
صح منطوقج الغاليه