كم وحده فينا حكم ريلها عليها بهالحكم ؟؟ تعالو 2024.

السلام عليكم ،،

سؤالنا اليوم بالنسبه للمتزوجات ،، او اللي قريب بتعرس ،،

تخيلي معاي :

انتي خريجه من جامعه او كليه قويه ومعروفه ، عندج امتيازات وتعرفين
انج بنت عندها ابداع ومواهب كبيره ،، تزوجتي ،، وطلب منج ريلج انج
ما تشتغلين ؟! ورفض شغلج بحجه انه يغار عليج ….
هل بتوافقين؟؟ ولا بتصرين على الشغل ؟؟
طبعا قصه مألوفه ويوميا نسمعها ….

كم وحده فينا حكم عليها ريلها ان تكون جليسه البيت ؟؟؟ وهل تشوفين ان هذا من حق الزوج ؟؟؟
يله خلونا نتفاعل ..

اممممم لين الحين انا حرة فبيت اهلي

بس اذا اشتغلت وياني النصيب وطلب هالطلب..

اممممممممممممم بوافق لان اخر شي راح ارجع للبيت (تر المفرووض هوو الي يصرف علي)

عاااااااااااادي هم في الاول بيقولو جيه وبعدين بغيروا رايهم مثل ما استوى معاي انا الحين اشتغل مع انه ريلي ما يحب الحرمة الي تشتغل لا وحتى اهله بس الظروف الها احكام

كم بيصرف هالريال .. خخخخخ ،، مصرف واحد ما يكفي هالايام

…………..هي من حق الزوج ما دام انه متكفل بطلباتها (يعني لازم يعيشها زي ما كانت تعيش مع اهلها ) و لا يبخل عليها …و مب محتاج …….ليش لا ما دام ان الحمد الله قادر مقتدر على حروب المعيشة (معارك الفارس الشجاع الراتب )خخخخخخخخ……
و اذا الزوج مب قادر على مصاريفها اعتقد ان لازم تجيبها بالسياسة …تذكره بالحرب الضروس و مصاريف و الاسعار …على طول بيغير رايه …خخخخ

اعتقد ان كل شيء بالتراضي يكون احسن شيء …يعني الوحدة تشتغل لعدة اسباب ..منها الاكتفاء و الاستقلال مادية – عدم الزواج- عدم الانجاب- الرغبة بتحقيق سمعة بين الناس – قضاء الوقت- الرغبة بتعلم – القضاء على ملل الحياة الزوجية /الاسرية (متنفس)- مساعدة الاسرة في المصاريف- بخل الزوج- الديون- …..الخ

سو …خخخ طولت السالفة /تفلسف عميق لموضوع ما يحتاج خخخخخخخخخخ
الموهيم انا ما عندي اي اعتراض على طلبه ما دام انه بيوفر لي كافة طلباتي (و بيدفع ديون السيارة ) خخخخخخخخخخ
بس اذا كان بخيل و كلامه ماله مصداقية (يغار علي و لا يراعيني ) ..

بذكره ببخله و بزيد من مصروفي /خراااااااااااااااااااااطة خخخخخخخخخخخخخخ

و السموحة

أنا بعد إستويت جليسة المنزل موووووووووول موب راضي لا أشتغل و لا أسوق من 4 سنين و بعده ميبس راسه بس تبين الصدق أنا مرتاحه في البيت لأن حرام اليهال يتبهدلون بدون إمهم

على حسب و إللي أوله شرط آخره نور … يعني ابوي قال حق ريلي من البداية اني اشتغل و اسوق و ريلي قال
ما عندي اي مشكلة …
و الحمدلله هو عادي عنده و فري اكثر عن هلي… بس لو كان قاللي ايلس و هو من البداية قال عادي هنيه بقوله
سوري…لأن انا ما وافقت إلا لأنه مقتنع اني اشتغل و لو قال من البداية ماباها تشتغل بقوله الله يوفجك ويا غيري…

و العكس في حال انا رضيت من البداية اني ايلس في البيت…