كوريا الجنوبيه , سنغافوره , هونج كونج , المالديف ,, 2024.

السلاااااام عليكم خواتي ,, شخباركم عساكم بخير ,,

عندي استفسار عن 4 دول يريت الي زارت وحده فيهم تعطيني نبذه بسيطه عنها وعن جوها في شهر 12

الدول هي :

كوريا الجنوبيه

سنغافوره

هونج كونج

المالديف

يريت تخبروني شو الاجواء ف شهر 12 فيهم ,, لاني مبتعده عن الثلوج ف عشان جيه مابسير اوروبا

وبليز تخبروني اذا هالدول تنفع لشهر العسل او لا مع ان ادري بتستغربون من الاماكن الي مختارتها لان نادر الناس تروحها لشهر العسل بالذات كوريا وهونج كونج بس انا احب التغيير ف ابا اختار دولتين او 3 وبخلي المالديف اكيده بينهم

بس عن باقي الدول اذا تنفع ولالا ؟

اول شي زعلانه منج بس بجاوب

مالديف ختيه سايرتنها شهر ١ روووعه جوهم

سنغافوره لالالازم رووعه جوهم و شاليهاتهم روعه خصه هالسنه منظمين اكثر وعروض بعد
بس انتو احجزو لكم شاليه خاص و فيه خصوصيه ولا اروع

شو رايج بالنيبال لو تحبين المناظر الروعه و اليبال بس لكم يوم طبعا وعقب ع ماليزيا

انزين ريوس ليش ما تفكرين ف جزيره افريقيه اسمها بامباروسا شي جيه صوب كينيا

يقولون خبااال و جوهم شرات سيشل و مالديف ..

والف مبروك يالقاطعه ^^

لالالالالالالالالالالا كله ولا زعلج نفره

اشتتتتتتتتقتلج نفره وايد هههههههه بس والله سامحيني ظروف العرس والتجهيزات ماخذتني عن كل حد

مممممممممممم بس مشكلتي شفت صور كوريا تخببببببببببببلت عليها وقلت لازم اسيرها

ف ماينفع اروح صوب افريقيا مع ان اقترحوا عليه جنوب افريقيا بس مارتحتلها

المالديف شكلي بحطها اكيد فالجدول بس عن باقي الدول ابغي اعرف معلومات

وهيه حتى سنغافوره شفت صوره وتخبلت عليها

تدرين سوي سيرج عن هونج كونج بتتخبببببببببببببببببلين الصراحه روعه روووعه

ف محتاره واااااااااااااايد

المالديف واااااااااو حق شهر العسل.. و لا بدون شهر عسل لانها تجدد الحياة بين الزوجين مب شرط يكونون معاريس… خصوصية و هدوء و بحر نظيف نظيف و شفاف جنه مسبح بس هو بحر.. و رمل ابيض ما فيه حتى حصى… شوقتيني ارجع ازورها مرة ثانية

المنتجع اللي سرناه سمه كوناهورا و كان عرض من الامارات للعطلات و سرناها في عيد الاتحاد العام يعني على شهر 12 و كان جوها رووووعة فعشان جيه انصحج تشيكين عروضهم يمكن تلقين شي يناسبج

طبعا المالديف ما فيها شوبنق فلا تحطين في بالج مولات… لا هي كلها بحر و استرخاء

ممم باقي الدول ما عندي فكرة فان شاء الله البنات يساعدونج

ما زرت شي منهن

هيه انا وايد مدحولي المالديف

ان شاءالله بزورها

مشكوووووووووووووووووووووره فديتج يزاج الله خير ^_^

مشكووووره

تسلمين الغلا