كوكو شانيل ترد السلام عليكم من ميونخ 2024.

السلام عليكم ورحمة الله وبركاته ،،
أخواتي الغاليات صار لي شهر تقريبا ما دخلت المنتدى
وذلك بسبب تواجدي في مدينة ميونخ الالمانية.
واليوم بس حصلت فرصة ودخلت المنتدى عشان أسلم على الجميع
لأنكم واحشيييييييييييني وايد.

وسلمتم ,,

وعليكم السلام والرحمه

تسلمين اختي ……ما يوحشج غالي يا رب

الله الله فالجبن هههههههه

وان شاء الله تردين بالسلامه خبرينا بس شو الجو هناك

وشو الاسواق وين رحتو وين تمشيتوا

يعطيج العافيه خيتي

مرحبا ختيه أم مهاري

والله اخبارنا زينه بس الجو هنيه ما تعرفيله أربع فصول في يوم واحد
يوم أوايج من الدريشه أشوف الجو مغيم ومطر واقوم البس ثجيل ويوم اطلع
تطلع الشمس فجأه وينجلب الجو حر وبالعكس.
بس تعالي شو سالفة الجبن انا ما جربت جبنهم هنيه لاني مسويه حسابي وشاله
جميع نواع الجبن معايه. تعرفين طبع العرب عاد.
اما الشوبينغ عال العال أسواقهم كبيره وبضاعتهم حلوه.

:1 (76): الحمدالله على السلامة الغالية عاده انتي كوكو شانيل لازم تسيرين فرنسا موب المانيا
خبريني حبوبة شو معاملتهم مع العرب بالذات:1 (28): و الحمدلله

الله يسلمج من الشر حبيبتي أناناسه
والله الالمان ما في أطيب منهم مع إني سمعت إن معاملتهم
فظة وجديين وايد بس اللي شفته العكس كانو ودوديين ويحبون
يساعدون العرب. اذا شافوج واقفه في مكان محتاره ما يتريون
لحد ما تسألينهم ايون عندج ويكلمونج حتى لو ما يعرفون يتكلمون انجليزي.
وكنت لما أطلع وآخذ بنتي معاية كانو يوقفون علشان يكلمونها ويلاعبونها.

وسلامج الغالية ..

مشاء الله الغاليه كوكو شانيل ترجعين بالسلامه يارب .. لين متى بتمون هناك ؟

حيا الله الغاليه
والله صارى فتره فاقتنج فى المنتدى
الحمد الله انج بخير والله يرجعكم الى البلاد سالمين